Jákvæðnin er framar mínum björtustu vonum | Baldur Þórhallsson
Laugardaginn 1. júní stingum við Íslendingar okkur inn í kjörklefa og setjum x við þann frambjóðanda sem við viljum sjá sem forseta þjóðarinnar næstu fjögur árin. Aldrei áður í sögu lýðveldisins hafa jafn margir einstaklingar skreytt kjörseðilinn eða hvorki fleiri né færri en tólf. Feykir lagði nokkrar spurningar fyrir forsetaefnin og gáfu þau sér öll tíma til að svara. Hér að neðan má lesa svörin sem Baldur Þórhallsson gaf Feyki.
Hvers vegna á fólk að kjósa þig? - Ég trúi því að við getum gert landið og þjóðina að einni heild. Ég vil stuðla að því að við einblínum á það sem sameinar okkur. Ég mun standa vörð um mannréttindi og tryggja hagsmuni okkar erlendis. Auk þess vil ég að við stöndum fremst meðal þjóða í málefnum barna- og ungmenna rétt eins og við stöndum fremst meðal þjóða í jafnréttismálum.
Af hverju langar þig að verða forseti Íslands? - Á milli þjóðar og forseta er beint og milliliðalaust samband og forseti verður alltaf, algjörlega án nokkurra undantekninga, að hafa heildarhagsmuni þjóðarinnar efst í huga. Forseta ber að virða þingræðið og honum ber að tryggja að í landinu sé starfhæf ríkisstjórn á grundvelli vilja Alþingis.
Forsetinn hefur dagskrárvald í íslenskri þjóðfélagsumræðu. Þegar forsetinn talar, þá er á hann hlustað. Yrði ég forseti, myndi ég vilja nota það tækifæri til þess að leggja áherslu á málefni sem snúa að mannréttindum allra samborgara okkar og málefni barna og ungmenna.
Það sama má segja um rödd forseta á erlendri grundu. Forseti getur þar lagst á árar með stjórnvöldum og staðið vörð um hagsmuni þjóðarinnar í alþjóðasamfélaginu. Forseti getur opnað margar dyr erlendis — bæði fyrir stjórnvöldum og fólkinu í landinu. Við eigum að nýta forsetaembættið til að opna dyr og leiða fólk saman, hér heima og að heiman.
Hvað hefur komið þér mest á óvart í baráttunni um Bessastaði? - Jákvæðnin og áhuginn hjá öllum sem ég hef rekist á. Við erum á þessum vikum búin að bjóða til funda hringinn í kringum landið og taka á móti mörg þúsund gestum og áhuginn og jákvæðnin er framar mínum björtustu vonum.
Hver hefur verið stærsta áskorunin í þínu lífi? - Að skilja kindurnar og hrossin eftir heima þegar ég hélt til náms á Laugarvatni og flutti á heimavistina.
Hvar og hvenær sástu núverandi maka þinn fyrst? - Ég sá Felix fyrst á bókasafni Samtakanna '78. Ekki löngu síðar fór ég á staðinn 22 vitandi að Felix yrði þar. Þar hófst mikið ævintýri sem stendur enn yfir.
Hvað ætlaðir þú að verða þegar þú yrðir stór? - Ég ætlaði að verða bóndi.
Bessastaðir eru ágæt búskaparjörð, til dæmis er þar ágæt fjörubeit fyrir sauðfé meira og minna allan veturinn. Hefur þú í hyggju að stunda búskap á Bessastöðum ef þú verður kosinn forseti? - Ég er nú alinn upp við bústörf og tók þrettán ára gamall við sauðfjárbúi afa míns þegar hann veiktist. Ég er því öllum hnútum kunnugur þegar kemur að sauðfjárrækt. Ég hugsa til baka til bústarfanna með mikilli hlýju og ég viður-kenni það fúslega að hafa oft hugsað til lífsins sem hefði getað orðið í sveitinni. Hvað búskap á Bessastöðum varðar, þá held ég að af því yrði ekki í minni forsetatíð. Að halda sauðfé er skuldbinding og ég myndi aldrei leggja í þá vinnu nema hafa tíma til þess að sinna því verkefni af alvöru.
- - - - -
Allir fengu frambjóðendurnir sömu spurningarnar. Tilviljun og rými réðu því í hvaða röð forsetaefnin fóru á síður pappírsútgáfu Feykis. Birtingartíminn hér á Feykir.is er öfug röð miðað við blaðið en viðtölin munu birtast frá miðvikudegi til föstudags. Feykir þakkar forsetaefnunum fyrir að gefa sér tíma til að svara.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.