Húnabyggð rekin með 68,3 milljóna tapi í fyrra
Á fréttaveitunni huni.is segir að Húnabyggð var rekið með 68,3 milljón króna tapi árið 2023. Árið var fyrsta heila árið sem sveitarfélagið er rekið fjárhagslega sem eitt sveitarfélag. Fjárhagsáætlun með viðaukum gerði ráð fyrir um 43 milljón króna hagnaði. Mismunurinn skýrist að stærstum hluta í reiknuðum stærðum sem sveitarfélagið hefur lítil áhrif á, að því er segir í bókun sveitarstjórnar á fundi hennar þann 11. júní þar sem ársreikningur sveitarfélagsins var samþykktur.
Þar eru nefndar tvær helstu ástæður fyrir muninum á endanlegri niðurstöðu og fjárhagsáætlun. Verðbætur voru vanáætlaðar um tæpar 64 milljónir og lífeyrisskuldbindingar, sem að langmestu leyti koma frá Félags- og skólaþjónustu A-Hún., voru 30 milljónir.
Tekjur vaxa um rúm ellefu prósent milli ára
Samkvæmt ársreikningnum námu heildartekjur Húnabyggðar í fyrra 2,5 milljörðum króna og hafa vaxið um 11,4% milli ára. Heildargjöld námu tæpum 2,2 milljörðum og hafa vaxtið um 4,7% milli ára. Rekstrarhagnaður fyrir afskriftir var um 310 milljónir króna og rúmlega tvöfaldast á milli ára í krónutölu. Veltufé frá rekstri var um 214 milljónir en áætlunin hljóðaði upp á 200 milljónir. Efnahagur sveitarfélagsins nam um 4,63 milljörðum um áramót og þar af eru fastafjármunir rúmir 4,2 milljarðar en veltufjármunir 396 milljónir. Eigið fé nam um 1,1 milljarði og er eiginfjárhlutfallið 24,4% samanborið við 26,8% árið 2022. Skuldir námu rúmum 3,5 milljörðum, skammtímaskuldir voru þar af 587 milljónir og veltufjárhlutfall því 0,68 sem batnaði lítillega milli ára. Heildar fjárfestingar námu um 316 milljónum sem eru að langmestu leyti verkefni tengd uppbyggingu grunninnviða. Launakostnaður sem hlutfall af rekstrartekjum er nú 53,9%, samanborið við 57,6% árið 2022. Annar rekstrarkostnaður sem hlutfall af rekstrartekjum er nú 33,7%, en var 35,7% árið 2022.
Góð þróun og halda þarf áfram á sömu braut
„Í stuttu máli má segja að rekstrarniðurstaða ársins 2023 sé mjög jákvæð og jákvæð þróun tveggja mikilvægustu lykilmælikvarða sveitarfélagsins, EBITDA og veltufé frá rekstri, eru skýr dæmi um að reksturinn er á góðri leið með að verða heilbrigður. Þetta er verulega góð þróun og halda þarf áfram á sömu braut. Árið 2023 var því ár þar sem bæði tókst að halda áfram sókn því sjaldan hefur umfang fjárfestingaverkefna verið meira en einnig tókst að spila vörn þar sem reksturinn er nú í jákvæðri þróun. Verkefnið er þó einungis hálfnað og enn þarf að hagræða og endurskipuleggja til að Húnabyggð verði fjárhagslega sjálfbært,“ segir í bókun sveitarstjórnar.
Leita þarf allra leiða til aðhalds í rekstri
Fulltrúar minnihlutans í sveitarstjórn lögðu fram bókun samhliða afgreiðslu ársreikningsins. Telja þeir að nauðsynlegt sé að leita allra leiða til aðhalds í rekstri og eignasölu enda sé fjárhagsstaða sveitarfélagsins með þeim hætti að ekki er svigrúm til nauðsynlegra fjárfestinga nema með nýjum lántökum og frekari skuldsetningu. Telja þeir að sölumeðferð á fasteignunum á Húnavöllum hafi dregist úr hömlu og tekjumöguleikar á skammtímaleigu ekki verið nýttir. Þá telja þeir að aðkeypt þjónusta á vinnu við bókhald og endurskoðun sé of mikil og nauðsynlegt að bregðast við því með ráðningu fjármálastjóra.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.