HEITASTA GJÖFIN - „Það var sólríkur og fallegur dagur í Blönduhlíðinni eins og svo oft áður“
Jóhannes Björn Þorleifsson er frá Þorleifsstöðum í Akrahreppi en býr í B24 í 560 Varmahlíð með Margréti sinni og tveimur dætrum þeirra, Emmu og Áróru. Jóki eins og hann er gjarnan kallaður, vinnur í Flokku á Sauðárkróki og Förgu í Varmahlíð. Við fengum Jóka til að rifja upp sitthvað um ferminguna sína.
Hvar og hvenær fermdist þú? Á Miklabæ á hvítasunnu þann 31. maí 1998. Það var sólríkur og fallegur dagur í Blönduhlíðinni eins og svo oft áður.
Manstu eftir fermingunni sjálfri og fermingarfræðslunni? Fermingin var óvenjuleg að því leyti að við vorum ekki í fermingarkirtlum. Annars var þetta nokkuð hefðbundið. Fermingarfræðslan fór að mestu fram í matreiðslustofunni í Varmahlíðarskóla. Svo var eftirminnilegt fermingarbarnamót á Löngumýri.
Hvernig var fermingardressið og hárgreiðslan? Ég var í íslenska hátíðarbúningnum, stórglæsilegum. Hann er ennþá til á Þorleifsstöðum, held ég. Hann hefur í seinni tíð verið lánaður út á fermingardrengi, t.d skartaði Siggi Kúskur honum á sínum tíma. Þegar kemur að hárinu þá þykir mér líklegt að Kolla Ingólfs hafi bjargað því sem hægt var.
Hvar var fermingarveislan haldin? Veislan var haldin í Héðinsminni.
Hvað bauðstu upp á í fermingarveislunni? Það var eitthvert hlaðborð. Naut, svín og lamb, svo kökur.
Hver var heitasta gjöfin á þeim tíma? Held að það hafi verið fermingargræjurnar. Suma sem aðhylltust hestamennsku dreymdi um hnakk.
Hver er eftirminnilegasta gjöfin? Þær voru nokkrar. Til að nefna eitthvað þá fékk ég svona vasaúr af gamla skólanum.
Hvað stóð upp úr á fermingardaginn sjálfan? Ætli það hafi ekki verið fermingarathöfnin sjálf, annars var dagurinn allur hinn ánægjulegasti og fór nokkuð vel fram.
Ef þú ættir að fermast í dag, hvernig dress yrði fyrir valinu og hver væri óskagjöfin? Bara klassísk jakkaföt og spariskór, er ekki alveg að skilja þetta dæmi að menn fermist í hvítum strigaskóm. Óskagjöfin væri nýtt sjónvarp.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.