HEITASTA GJÖFIN - „Kaldsvitnaði yfir að muna ekki trúarjátninguna“
Þórður Karl Gunnarsson fæddist á Siglufirði á því herrans ári 1985 en flutti svo á Krókinn árið 1990. Þórður, sem býr í Eyrartúninu á Sauðárkróki, er giftur Arneyju Sindradóttur og eiga þau saman þrjú börn, þau Gunnar Atla, Ólaf Bjarna og Eldeyju Sif. Foreldrar Þórðar eru Auður Haraldsdóttir og Gunnar Björn Rögnvaldsson. Þórður vinnur á Stoð verkfræðistofu ehf.
Hvar og hvenær fermdist þú? Í Sauðárkrókskirkju þann 28. mars 1999 hjá sr. Guðbjörgu Jóhannesdóttur.
Manstu eftir fermingunni sjálfri og fermingarfræðslunni? Já, ég átti góðan dag með fjölskyldu og ættingjum á fermingardaginn. Kyrrðarstundirnar á miðvikudagskvöldum eru mér minnisstæðar þar sem mann átti til að syfja ansi hratt en þangað mætti maður til að uppfylla kirkjumætingu. Annars var fermingarfræðslan ágæt. Ég man að ég kaldsvitnaði yfir því að muna ekki trúarjátninguna, enda voru fullorðnir búnir að hræða fermingardrenginn með að ekkert yrði af fermingunni ef maður færi ekki með hana rétt í kirkjunni.
Hvernig var fermingardressið og hárgreiðslan? Ég var í svörtum jakkafötum úr 17 og grárri skyrtu í yfirstærð með svart bindi.
Hvar var fermingarveislan haldin? Hún var haldin á efri hæð Framsóknarhússins við Suðurgötu.
Hvað bauðstu upp á í fermingarveislunni? Strangheiðarleg kökuveisla, með öllum helstu hnallþórunum. Ég man allavega eftir kransaköku, marsípanköku og englamarengs.
Hver var heitasta gjöfin á þeim tíma? Mig langaði óskaplega í PC-tölvu á þessum tíma. Það varð ekkert af því en ég eyddi öllum fermingarpeningunum mínum í eina. Það var líklega með vitlausari ákvörðunum sem ég hef tekið á ævinni, enda úreltust tölvur fljótt á þessum tíma.
Hver er eftirminnilegasta gjöfin? Ég fékk amerískt rúm, sæng og kodda frá foreldrum mínum, fullt af peningum frá ömmu og afa á Sigló og svo fékk ég LAVA lampa sem var hrikalega töff á þessum tíma.
Hvað stóð upp úr á fermingardaginn sjálfan? Ef ég set mig í spor fermingardrengsins þennan dag þá voru það gjafirnar. En horft til baka þá myndi ég segja návist vina og ættingja.
Ef þú ættir að fermast í dag, hvernig dress yrði fyrir valinu og hver væri óskagjöfin? Ég myndi velja tweed jakkaföt og hvíta skyrtu, skó og belti sem mundi tóna við. Djammferð með vinahópnum Gargólýtunum til útlanda, gefið að ég sé að fermast 39 ára gamall.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.