HEITASTA GJÖFIN - „Auðvitað hárlokkur sitthvoru megin við andlitið“
Arna Ingimundardóttir er frá Sauðárkróki og býr í Iðutúninu á Króknum og er gift Jóhanni Helgasyni og eiga þau saman fjögur börn. Arna er ljósmóðir, vinnur í mæðravernd á HSN Blönduósi og á fæðingadeildinni á sjúkrahúsinu á Akureyri.
Hvar og hvenær fermdist þú? Ég fermdist í Sauðárkrókskirkju á skírdag þann 28. mars 2002.
Manstu eftir fermingunni sjálfri og fermingarfræðslunni? Já, ég man ágætlega eftir bæði fermingunni og fermingarfræðslunni. Ég var svo heppin að vera í fermingarfræðslu hjá séra Guðbjörgu Jóhannesdóttur. Hún náði svo vel til okkar krakkanna, gerði fermingarfræðsluna skemmtilega og ég hugsa til hennar með mikilli hlýju. Fermingardagurinn sjálfur var mjög spennandi. Byrjaði reyndar með smá stressi því ég fór á hárgreiðslustofu þar sem átti að greiða mér, ég beið ansi lengi áður en mér var greitt og endaði með því að ég þurfti að klæða mig í fínu fötin inni á klósetti á hárgreiðslustofunni og hljóp svo yfir í safnaðarheimili þar sem allir voru tilbúnir. Rétt náði fyrir athöfnina í kirkjunni. En frábær dagur.
Hvernig var fermingardressið og hárgreiðslan? Hárið var hálf uppsett með krullum og liðum hér og þar, nokkur hvít lítil blóm sem skraut og auðvitað hárlokkur sitthvoru megin við andlitið. Smá maskari á augnhárin, annars ekkert máluð. Fermingardressið var hvítt. Hvítur blúndukjóll sem náði niður á kálfa, hvítar blúnduermar yfir og hvítir opnir spariskór með þykkum botni. Minnir að flestar stelpurnar hafi fermst í hvítum eða ljósum fötum.
Hvar var fermingarveislan haldin? Fermingarveislan var haldin heima hjá mér í Ártúni 5. Það var búið að setja stóla og borð í öll herbergi og öll horn í húsinu.
Hvað bauðstu upp á í fermingarveislunni? Ég þurfti nú að spyrja mömmu að þessu og það var ansi margt. Það var graflax, laxafrauð, blandaðir sjávarréttir, rækjufrauð, nautapottréttur, svínahamborgarhryggur, heitreyktar lambalundir, lambalæri og meðlæti s.s. sósur og salöt. Síðan voru í eftirrétt alls konar kökur t.d. ísterta, súkkulaðikaka, jarðaberjaterta og kransakaka. Ég er viss um að enginn hefur farið svangur heim.
Hver var heitasta gjöfin á þeim tíma? Heitasta gjöfin á þeim tíma voru líklega græjur til að spila geisladiska, rúm og peningur.
Hver er eftirminnilegasta gjöfin? Líklega gjöfin frá foreldrum mínum en ég fékk frá þeim m.a. húsgögn í herbergið t.d. stórt skrifborð með stórri hillu fyrir ofan, náttborð og hornhillu.
Hvað stóð upp úr á fermingardaginn sjálfan? Ég held að kjóllinn og hárið hafi staðið upp úr. Það var sjaldan sem maður hafði keypt svona heilt dress sem maður valdi sjálfur og farið í greiðslu. Leið eins og prinsessu. Síðan auðvitað gjafirnar en maður fékk svo mikið af gjöfum og mikinn pening að ég man eftir að hafa verið afar þakklát í lok dags.
Ef þú ættir að fermast í dag, hvernig dress yrði fyrir valinu og hver væri óskagjöfin? Ég held að það yrði aftur hvítur kjóll fyrir valinu eða jafnvel dragt. Kannski veldi ég frekar íþróttaskó við fínu fötin eins og er í tísku í staðinn fyrir óþægilega bandaskó. Óskagjöfin væri annaðhvort nýtt rúm eða nýr sími.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.