Er vopnaburður skólabarna vandamál á Norðurlandi vestra?
Vopnaburður skólabarna eða ungmenna hefur verið í umræðunni að undanförnu í kjölfar hræðilegrar hnífstunguárásar á Menningarnótt en Bryndís Klara Birgisdóttir, aðeins 17 ára gömul, lést af sárum sínum nú fyrir helgi. Svo virðist sem það sé orðið býsna algengt að ungmenni séu vopnuð hnífum, í það minnsta á höfuðborgarsvæðinu, en ætli þetta sé einnig vandamál á Norðurlandi vestra? Feykir sendi Lögreglunni á Norðurlandi vestra fyrirspurn.
Það voru Birgir Jónasson, lögreglustjóri Norðurlands vestra og Ásdís Ýr Arnardóttir, forvarnafulltrúi embættisins, sem sátu fyrir svörum.
Hafa ábendingar um vopnaburð skólanema og ungmenna borist inn á borð lögreglunnar á Norðurlandi vestra?„Slík mál hafa ekki borist inn á okkar borð í sama mæli og á höfuðborgarsvæðinu, við erum hins vegar alltaf á tánum því reynslan sýnir okkur að hegðun sem þessi hafi ákveðin smitáhrif og því líklegra en ekki að slík mál komi inn á okkar borð.“
Þau segja að aftur á móti sé reynt að reka öflugt forvarnastarf og lögð sé áherslu á að ná til foreldra og unga fólksins okkar, meðal annars í gegnum samfélagsmiðla og aukna sýnilega löggæslu. „Við teljum að smæð samfélagsins sé okkur í hag hvað þetta varðar, og samstarf við barnaverndaryfirvöld í umdæminu er með miklum ágætum, einmitt með það að markmiði að draga úr hvers konar áhættu- eða afbrotahegðun ungmenna. Við skipulag afbrotavarna í umdæminu reynum við meðal annars að greina áhættuþætti, þá er hagfellt til að mynda að horfa til reynslu unga fólksins okkar eins og hún birtist í rannsóknum en á sama tíma rýna í ýmsar hagtölur sem gefa okkur vísbendingar um það hvar við stöndum.“
Eðlilega eru landsmenn slegnir yfir þessum atburði á Menningarnótt. Auk Bryndísar Klöru voru drengur og stúlka stungin í árásinni en hinn grunaði árásarmaður er sjálfur aðeins 16 ára. Nú er kallað eftir þjóðarátaki til að koma í veg fyrir vopnaburð ungmenna og víða er Bryndísar Klöru minnst þessa dagana. Nemendafélag FNV boðaði bleikan dag í dag til minningar um hana og voru nemendur hvattir til að mæta í skólann í bleiku.
Fleiri fréttir
-
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.