Ekkert er sjálfgefið á sérleiðum
Ljómarallýið fór fram um síðustu helgi og voru 20 áhafnir ræstar út frá Vélavali í Varmahlíð á laugardagsmorgninum en rallýkeppnin var önnur í röðinni af fimm í Íslandsmeistaramótinu 2024. Veðurskilyrði voru ákjósanleg, hvorki sól, þoka, né úrkoma að trufla einbeitingu ökumanna eða starfsfólks. Aðstæður voru þó nokkuð krefjandi og vætutíð að undanförnu gerði yfirborð vegar á köflum mjög sleipt en töluverð afföll urðu í keppnisbílaflotanum vegna bilana, útafaksturs og veltutilþrifa. Sex áhafnir urðu að játa sig sigraðar og luku ekki keppni.
Í heildarkeppninni hafði ríkjandi Íslandsmeistari, Gunnar Karl Jóhannesson sannfærandi sigur ásamt Guðríði Lindu Karlsdóttur móður sinni sem var aðstoðarökumaður hans aðra keppnina í röð. Settu þau mæðginin hraðamet um Mælifellsdal. Þeir sem þar hafa farið um vita að 13 mínútur og 18 sekúndur um 23,5 km sérleið upp Mælifellsdal að Bugavatni, er firna góður tími. Óku þau á Ford Fiesta R5 bíl sem Gunnar Karl hefur verið að keppa á úti í Bretlandi síðustu misseri.
Í öðru sæti í Ljómarallý 2024 urðu systkinin Daníel og Ásta Sigurðarbörn sem eru flestum rallýáhugamönnum að góðu kunn eftir árangur síðustu ára. Þau óku MMC Lancer Evo, líkt og Jósef Heimir Guðbjörnsson og Gunnar Eyþórsson sem lönduðu þriðja sæti í keppninni, sjö sekúndum á undan Birgi Guðbjörnssyni og Valgarði Davíðssyni á Subaru Impreza.
Þrjár áhafnir voru skráðar til leiks í eindrifsflokki. Þar urðu hlutskarpastar þær Karítas Birgisdóttir og Helena Ósk Elvarsdóttir, en þær unnu einnig fyrstu keppni ársins í eindrifsflokki og leiða því Íslandsmeistaramótið. Árangur þeirra er sannarlega eftirtektarverður þar sem Karítas er 17 ára og nýkomin með bílpróf og Helena Ósk, aðstoðarökumaður er einungis 16 ára. Þær stöllur hafa reynslu úr rallýkrossi og koma því til keppni í rallinu með þá akstursreynslu í farteskinu.
Í C flokki (AB varahlutaflokki) mættu átta áhafnir til keppni. Þar var slegist fram á síðustu sekúndu, þar sem úrslit réðust á síðustu sérleið dagins. Systkinin Almar og Vigdís Þórólfsbörn báru sigur úr bítum með einnar sekúndu forskot á Daníel Jökul Valdimarsson og Hönnu Rún Ragnarsdóttur. Í þriðja sæti urðu Hilmar B. Þráinsson og dóttir hans Sara Hilmarsdóttir. Hilmar átti góða endurkomu í keppninni eftir áralangt hlé en státar af Íslandsmeistaratitli ökumanna 2011 og 2012.
Ánægjulegt er að geta þess að konur og karlar áttu jafnan hlut á verðlaunapalli í Ljómarallinu og rekur menn ekki minni til þess að svo jöfn hafi kynjahlutföllin áður verið.
Nánar má skoða úrslit og tíma á hverri sérleið á vefslóðinni www.rallytimes.is
Bílaklúbbur Skagafjarðar vill koma á framfæri þökkum til starfsfólks, stuðningsaðila, keppenda, gesta og annarra sem lögðu hönd á plóg við keppnishaldið.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.