Draumahátíð handavinnuelskenda
Nú er framundan allsherjar prjónagleði á Blönduósi. Hátíð sem hefur skipað sér fastan sess í viðburðadagatali sumarsins í Húnabyggð. Er þetta í áttunda sinn sem hátíðin verður haldin um komandi helgi 7.- 9. júní. Þegar mikið stendur til er nauðsynlegt að taka stöðuna fyrir helginni og heyrði blaðamaður í Svanhildi Pálsdóttur viðburða – og markaðsstjóra Textilsmiðstöðvar Íslands í nýjasta tbl. Feykis.
Svanhildur segir okkur að markmið Prjónagleðinnar sé að gefa prjónafólki tækifæri til þess að sameinast í áhugamáli sínu, læra eitthvað nýtt, kaupa garn og upplifa skemmtilega stemningu. Það myndast alltaf alveg sérstakt andrúmsloft þessa helgi á Blönduósi. Bærinn fyllist af prjónandi konum, að mestu leyti, sem greinilega eru að skemmta sér konunglega. Jákvæðni, gleði og skapandi andrúmsloft einkennir hátíðina sem stækkar með hverju árinu.
Prjónagleðin byggist upp á prjónanámskeiðum, fyrirlestrum um prjón og hönnun og svo Garntorginu sem haldið er í Íþróttamiðstöðinni. En Garntorgið er garnmarkaður þar sem framleiðendur og hinir ýmsu söluaðilar selja prjóna- og handavinnufólki garn og alls konar fjölbreyttar vörur sem prjónarar geta ekki verið án.
Á Garntorginu er einnig risastór setustofa og kaffihús sem verður rekið af Apótekarastofunni að þessu sinni. Á prjónakaffihúsinu situr fólk og prjónar, spjallar og nýtur góðra veitinga.
„Það er nóg um að vera og alls kyns prjónatengdir viðburðir eru í gangi alla helgina og má þar nefna prjónahittinga í heimahúsum á fimmtudagskvöldið, opið hús í Ullarþvottastöðinni á föstudaginn, söguprjónagöngu um gamla bæinn á laugardaginn og
Prjónagleðikvöldvöku á Krúttinu á laugardagskvöldinu. Á sunnudaginn er prjónamessa í Blönduóskirkju og dagskránni lýkur með samprjóni í sundi áður en fólk heldur heim á leið um miðjan daginn,“ segir Svana.
Hún segir eiginlega ekki hægt að nefna neina hápunkta hátíðarinnar aðra en samveruna með prjónana og gleðina sem einkenna þessa helgi. Prjónagleðin er einstakur viðburður á landsvísu, þar sem nokkur hundruð manns koma saman og prjóna af kappi og innlifun. „Prjónagleðin er fyrir öll þau sem prjóna og hafa áhuga á prjónaskap og annarri handavinnu. Við gleðjumst með öllum sem prjóna. Það skiptir ekki máli á hvaða aldri þú ert eða hvar þú ert staddur í prjóninu, það eru öll velkomin og standa jafnfætist á Prjónagleðinni. “
„Viðburður eins og þessi þarf á stuðningi nærsamfélagsins að halda og hann er mestur með því að mæta og taka þátt. Þess vegna hvetjum við fólk úr ná- grannabyggðarlögum til þess að líta við á Blönduósi um helgina og upplifa stemminguna og mannlífið á Prjónagleðinni,“ segir Svana að lokum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.