Brauðréttur og súkkulaðikaka
Matgæðingar í tbl 27, 2023, voru þau Ingunn Sandra Arnþórsdóttir og Birgir Ingvar Jóhannesson. Ingunn er fædd og uppalin á Sauðárkróki en Birgir á Hofsósi en þau búa nú á Sauðárkróki. Ingunn er í fæðingarorlofi eins og er en vinnur hjá Landgræðslunni og Birgir vinnur hjá Vinnuvélum Símonar. Ingunn og Birgir eiga saman tvö börn, Rúrik Leví 6 ára og Anneyju Evu eins og hálfs árs.
„Við erum meira fyrir það að baka og bjóða fólki í kaffi og kökur en mat svo við ætlum að deila með ykkur uppskriftum sem við bjóðum upp á í afmælum og öðrum veislum. Heiti rétturinn slær alltaf jafn mikið í gegn og allir þeir sem smakka hann biðja um uppskriftina svo okkur fannst kjörið að setja hana hér inn. Súkkulaðikakan er ótrúlega einföld og rosalega góð og slær einnig alltaf í gegn,” segir Ingunn.
UPPSKRIFT 1
Brauðréttur með ostafyllingu og snakki
10 stk. pylsubrauð
Fylling:
10 stk. sveppir (10-15 stk.)
1 stk. gul paprika
1 stk. rauð paprika
1 stk. Mexíkóostur, rifinn
1 stk. smurostur með sveppum
1 pk skinka
1½ l rjómi frá Gott í matinn
2 stk. grænmetisteningar
30 g smjör til steikingar
Toppur:
1 poki rifinn mozzarellaostur frá Gott í matinn
1 snakkpoki
Aðferð: Grænmetið er skorið í smáa bita, sett á pönnu og steikt upp úr smjöri ásamt skinkubitunum. Smurostur, rjómi, Mexíkóostur (gott að rífa ostinn niður) og gænmetisteningar hitaðir í öðrum potti þar til allt hefur bráðnað og samlagast. Pylsubrauðin eru skorin í tvennt, þannig að tveir „bátar“ myndast. Fyllingin sett ofan á hvern bát og rifinn ostur þar yfir. Þá er hver bátur skorinn í þrennt en reynt að halda löguninni. Hitað í ofni við 180°C í fimm mínútur, tekið út, snakkið sett yfir og hitað aftur í um þrjár mínútur. Sett á fallegan bakka og borið fram. (Uppskrift frá frá gottimatinn.is)
EFTIRRÉTTUR
Frönsk súkkulaðikaka með pekanhnetum og heitri karmellusósu
80 g smjör
100 g suðusúkkulaði
3 egg
3 dl sykur
1 tsk. vanilludropar
1½ dl hveiti
1 tsk. salt
Aðferð: Stillið ofninn á 175°C með blæstri. Bræðið saman smjör og súkkulaði í potti við vægan hita. Þeytið egg og sykur mjög vel saman þar til blandan er létt og ljós. Bætið hveiti og salti varlega saman við eggjablönduna. Bætið súkkulaðinu að lokum út í. Hellið í bökunarform (ég notaði 22 cm) og bakið í 15 mínútur í ofninn. Gerið karamellusósuna á meðan. Eftir 15 mínútur takið þá kökuna úr ofninum stráið pekanhnetum yfir og hellið síðan karamellusósunni yfir allt og látið aftur inn í ofn í 20 mínútur.
Karamellusósa:
60 g smjör
1 dl púðursykur
2 msk. rjómi
100 g pekanhnetur, grófsaxaðar
Aðferð: Bræðið púðursykur og smjör saman í potti. Þegar þetta hefur blandast vel saman, bætið þá rjómanum út í og hrærið í um mínútu. (Uppskrift frá grgs.is)
Verði ykkur að góðu!
Ingunn Sandra og Birgir Ingvar skoruðu á Kristin Björgvinsson og Sunnu Björk Atladóttur að taka við boltanum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.