Bjarni Benediktsson verður forsætisráðherra
Það eru sviptingar í stjórnmálunum þessa dagana. Í kjölfar þess að Katrín Jakobsdóttir, sem verið hefur forsætisráðherra síðustu sex og hálft árið í ríkisstjórn Vinstri grænna, Framsóknarflokks og Sjálfstæðisflokks, ákvað að venda sínu kvæði í kross og gefa kost á sér í embætti forseta Íslands, baðst hún um helgina lausnar fyrir sig og ráðuneyti sitt. Guðni forseti féllst á beiðnina en bað Katrínu að gegna embætti þar til ríkisstjórnarflokkarnir réðu ráðum sínum. Nú hafa flokkarnir þrír komist að niðurstöðu og mun Bjarni Benediktsson, formaður Sjálfstæðisflokksins, taka við stöðu forsætisráðherra.
Nokkrar ráðherrahrókeringar verða við þessi tímamót. Þannig mun Þórdís Kolbrún Reykfjörð Gylfadóttir fara yfir í utanríkisráðuneytið að nýju eftir stutt stopp í fjármálaráðuneytinu. Þar tekur hins vegar Sigurður Ingi Jóhannsson, formaður Framsóknarflokksins, við lyklavöldum og verður fyrsti fjármálaráðherra Framsóknar í heil 45 ár.
Svandís Svavarsdóttir matvælaráðherra VG fetar í spor Sigurðar Inga í innviðaráðuneytinu og Bjarkey Olsen Gunnarsdóttir tekur við af Svandísi en Ólafsfirðingurinn Bjarkey verður þar með ráðherra í fyrsta sinn. Guðmundur Ingi Guðbrandsson er nú orðinn formaður VG þar sem Katrín er hætt. Hann mun áfram gegna embætti félags- og vinnumarkaðsráðherra.
Ríkisráðsfundur er áætlaður á Bessastöðum í kvöld en þar mun þá væntanlega ný ríkisstjórn undir forystu Bjarna Benediktssonar taka við.
Hér geta áhugasamir fundið starfsreglur ríkisráðs >
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.