Ánægja með niðurstöðu sameiningarkosninganna
„Við erum ótrúlega ánægð með niðurstöðuna og að hún hafi verið svona afgerandi. Það er mikil vinna sem liggur að baki en verkefnið samt rétt hafið. Við förum bjartsýn inn í framtíðina í sameinuðu sveitarfélagi og við hlökkum til að takast á við þetta nýja og spennandi verkefni,“ sagði Pétur Bergþór Arason, sveitarstjóri Húnabyggðar, þegar Feykir leitaði viðbragða hjá honum við niðurstöðu sameiningarkosninga Húnabyggðar og Skagabyggðar en úrslit voru kunngjörð síðastliðið laugardagskvöld.
Í Skagabyggð var kjörsókn 92,5 prósent. Alls greiddu 62 atkvæði en 67 voru á kjörskrá. Já við sameiningu sögðu 47, nei sögðu 15. Í Húna-byggð var kjörsókn 37,1 prósent en alls greiddu 355 atkvæði, 955 voru á kjörskrá. Já við sameiningu sögðu 317 en 36 sögðu nei. Auðir og ógildir seðlar voru 2.
1. ágúst færist stjórnsýsla Skagabyggðar undir Húnabyggð
„Með þessa met kjörsókn hjá Skagabyggð, 92,5% og afgerandi afstöðu íbúa, 75,8%, er ég alveg gríðarlega ánægð,“ sagði Erla Jónsdóttir, oddviti Skagabyggðar, þegar Feykir spurði hana hvort hún væri sátt við úrslit kosninganna.
Hvað gerist í kjölfarið á þessari niðurstöðu, þarf til dæmis að kjósa í sveitarstjórn sameinaðs sveitarfélags á ný? „Það sem gerist er að 1. ágúst færist stjórnsýsla Skagabyggðar undir Húnabyggð og stofnuð verður sérstök nefnd með fyrrum sveitarstjórnarmönnum Skagabyggðar sem mun kallast heimastjórn Skagabyggðar og mun hún starfa út kjörtímabilið. Það verða því engar sveitarstjórnarkosningar fyrr en við næstu almennu sveitarstjórnarkosningar.“
Hvaða breytingar verða hjá íbúum Skagabyggðar við sameiningu, sækja börn t.d. aðra skóla en hingað til? „Það verða í raun engar sérstakar breytingar, þau börn eða foreldrar sem vilja frekar sækja skóla á Skagaströnd áfram hafa heimild til þess að sækja um það til Sveitarfélagsins Skagastrandar en ef ekki þá munu þau öll fara í skóla á Blönduósi. Síðasta skólaár skiptust börnin nokkuð jafnt á milli þessara skóla,“ sagði Erla.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.