Alls brautskráðust 124 nemendur frá FNV í gær
Fjölbrautaskóla Norðurlands vestra var slitið í 45. sinn við hátíðlega athöfn í íþróttahúsinu á Sauðárkróki föstudaginn 24. maí 2024 að viðstöddu fjölmenni. Alls brautskráðust 124 nemendur af eftirtöldum námsbrautum en alls voru gefin út 151 prófskírteini:
Í máli skólameistara, Ingileifar Oddsdóttur, kom m.a. fram að 3222 nemendur hafa brautskráðst frá skólanum frá upphafi skólahalds haustið 1979. Hún fjallaði m.a. um það fjölbreytta námsframboð sem skólinn býður upp á. Hún greindi frá fjölgun nemenda, einkum iðn- og starfsgreinum og nýjar námsbrautir þ.á.m. í matvælagreinum og nám í viðhaldi gamalla húsa og súðbyrtra báta, það síðarefnda í samvinnu við Síldarminjasafnið á Siglufirði. Þá fjallaði hún um stoðkerfi skólans og gat þess að á skólaárinu hafi verið unnið að innleiðingu leiðsagnarmats. Loks gat hún þess að samþykkt hefur verið að stækka verknámshús skólans um 1.400 fm.
Kristján Bjarni Halldórsson, áfangastjóri, flutti vetrarannál skólans þar sem stiklað var á stóru í starfsemi hans. Á haustönn voru skráðir 741 nemendur og á vorönn voru þeir 698. Nemendur stunduðu námið í dagskóla, helgarnámi, dreifnámi eða fjarnámi. Á haustönn 2023 störfuðu 66 starfsmenn í 57 stöðugildum við skólann og á vorönn 2024 störfuðu 68 starfsmenn í 57 stöðugildum. Kristján greindi frá starfsemi einstakra deilda og rakti helstu viðburði þ.á.m. viðburði sem tengjast alþjóðasamtarfi.
Þá kom fram að félagslífið hefur verið öflugt og drifið áfram af metnaðarfullu nemendaráði. Leikritið Með allt á hreinu var sett á svið og naut mikilla vinsælda. Loks varð Emelíana Lillý Guðbrandsdóttir sigurvegari í Söngkeppni framhaldsskólanna.
Að loknum vetrarannál fór fram brautskráning og afhending viðurkenninga, sem var í höndum skólameistara.
- Félagsvísindabraut: 11
- Fjölgreinabraut: 17
- Hestabraut: 2
- Húsasmíðabraut: 17
- Íþróttaakademía: 7
- Kvikmyndabraut: 4
- Meistaranám iðngreina: 10
- Náttúruvísindabraut: 10
- Trefjaplastsmíði: 1
- Rafvirkjun: 16
- Sjúkraliðabrú: 4
- Sjúkraliðabraut: 14
- Starfsbraut: 2
- Stúdentsbraut starfsnáms: 15
- Vélstjórnarbraut A: 11
- Vélstjórnarbraut B: 4
- Vélvirkjun: 6
Lydía Einarsdóttir og Jóel Agnarsson fluttu ávarp fyrir hönd brautskráðra nemenda og Kristín Sigurrós Einarsdóttir flutti ávarp nemenda sem brautskráðust fyrir 30 árum síðan. Þau Emelíana Lillý Guðbrandsdóttir og Jóel Agnarsson sáu um tónlistarflutning við brautskráninguna.
Í kveðjuorðum skólameistara til brautskráðra nemenda lagði hún út af einkunnarorðum skólans sem eru vinnusemi, virðing og vellíðan. Hún hvatti nemendur til tileinka sér þau lífsgildi sem í þeim felast og umgangast aðra af virðingu. Þá óskaði hún þeim velfarnaðar í framtíðinni.
Hér að neðan má sjá myndir sem Pétur Ingi og Óli Arnar tóku fyrir og við athöfnina.
Á netsíðu FNV er farið yfir hvaða nemendur voru verðlaunaðir >
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.