Þægilegur sigur Stólanna gegn Breiðhyltingum
Fyrsti heimaleikur Tindastóls í Subway-deildinni fór fram í gærkvöldi og óhætt að fullyrða að Króksarar hafi beðið spenntir eftir körfunni því um 600 manns skelltu sér í Síkið og sáu sína menn landa ansi öruggum tveimur stigum gegn kanalausum ÍR-ingum. Eftir jafnar upphafsmínútur náðu Stólarnir frábærum 19-2 kafla seinni part fyrsta leikhluta og það bil náðu gestirnir aldrei að vinna almennilega á. Lokatölur eftir þægilegan fjórða leikhluta voru 85-70 fyrir Stólana.
Bæði lið komu vængbrotin til leiks en ÍR kom kanalaust til leiks eftir að hafa ákveðið að senda sinn kana heim á dögunum. Í lið Tindastóls vantaði tvo byrjunarliðsmenn; Drungilas tók út eins leiks bann eftir olnbogaskot í andlit Milka í fyrsta leik og þá hafði Arnar meiðst á æfingu í vikunni og því fjarri góðu gamni. Talið er að meiðslin séu ekki jafn alvarleg og óttast var í fyrstu.
Colin Pryor gerði fyrsta stig leiksins úr víti en liðin skiptust á um að hafa forystuna og staðan 12-11 þegar fimm mínútur voru liðnar. Þá kom þristur frá Keyshawn og síðan fimm stig frá Zoran og síðan fylgdu stig úr öllum áttum og ekki stóð steinn yfir steini í liði ÍR. Staðan að loknum fyrsta leikhluta 31-13 og ljóst að það var á brattann fyrir Breiðhyltinga. Helgi Rafn hóf annan leikhluta eins og hann endaði fyrsta, með fallegri íleggju, og munurinn tuttugu stig. ÍR-ingar hófu að klóra sig til baka inn í leikinn í framhaldinu. Þeir minnkuðu bilið fljótlega í tíu stig en Taiwo Badmus virtist alltaf eiga ás í erminni ef gestirnir færðust nær og ýmist skellti í þrist eða tróð með tilþrifum. Staðan í hálfleik 48-35.
Gestirnir komu muninum niður í átta stig snemma í síðari hálfleik en þá kviknaði á Sigga Þorsteins sem gerði fyrstu stig sín á tímabilinu og var ÍR-ingum erfiður undir körfunni. Munurinn yfirleitt í kringum tíu stigin á þessum kafla en Stólarnir kláruðu leikhlutann með 3ja stiga skoti frá Keyshawn og troðslu frá Taiwo. Jónas Steinarsson svaraði með þristi rétt áður en leikhlutinn kláraðist og staðan 68-56. Annar þristur Axels í leiknum, snemma í fjórða leikhluta, létti heimamönnum byrinn og munurinn varð tuttugu stig á ný eftir 3ja stiga skot Péturs þegar rúmar sex mínútur voru til leiksloka. Þá voru úrslitin í raun ráðin og bæði lið skelltu ungum og sprækum út á gólfið og var gaman að sjá strákana fá tækifæri til að stíga dansinn.
Stigahæstur í liði Tindastóls var Taiwo með 26 stig, Keyshawn gerði 22 stig en aðrir voru undir tíu stigunum. Í liði gestanna var Massarelli með 16 stig og Sigvaldi 12. Leikurinn var ágæt skemmtun þó svo að hann væri talsvert átakaminni en leikurinn gegn Keflavík í fyrstu umferð. Nú á mánudaginn heldur fjörið síðan áfram en þá verður spilað í VÍS bikarnum. Lið Tindastóls á heimaleik gegn Haukum úr Hafnarfirði og verður leikurinn sýndur í Ríkiskassanum. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.