Stólastúlkur tóku stigin í níu marka trylli
Það var heldur betur markaveisla á Sauðárkróksvelli í dag því 19 mörk voru skoruð í þeim tveimur leikjum sem fram fóru. Strákarnir unnu öruggan 9-1 sigur en það var meiri spenna þegar Stólastúlkur tóku á móti spræku liði Víkings í mikilvægum leik liðanna í Lengjudeildinni. Reykjavíkurstúlkurnar þurftu sigur til að halda sér í toppbaráttunni og Stólastúlkur sömuleiðis. Eftir átta marka óhóf í fyrri hálfleik var heimaliðið með tveggja marka forystu í hálfleik en gestirnir náðu aðeins að klóra í bakkann í uppbótartíma í síðari hálfleik og Stólastúlkur fögnuðu innilega 5-4 sigri.
Lið Víkings hefur á að skipa mörgum sterkum og teknískum stelpum en þeim gekk illa að höndla Murr í dag en hún virðist vera að ná sér á strik á ný eftir meiðsli. Hún gerði fyrsta mark leiksins á níundu mínútu og það af harðfylgi; braust hreinlega í gegnum vörn gestanna og lagði boltann í markið. Hún var enn að gera gestunum lífið leitt á 22. mínútu þegar hún komst upp að endamörkum og sendi boltann á Hugrúnu sem klikkaði ekki í færinu. Aðeins mínútu síðar bætti Melissa Garcia við þriðja marki Tindastóls og stuðningsmenn í sæluvímu.
Það mátti heyra gestina peppa sig upp og nefna að þær þyrftu aðeins eitt mark til að koma sér í gang. Það kom á 27. mínútu eftir að vörn Stólanna missti einbeitinguna en markið gerði Bergdís Sveinsdóttir. Aldís María kom Tindastóli í 4-1 þegar hún lúrði á fjærstöng og kom aukaspyrnu Hönnuh Cade í markið. Mínútu síðar minnkuðu gestirnir aftur muninn þegar Víkingar voru grimmari í vítateig Tindastóls, boltinn barst á Hafdísi Báru Höskuldsdóttir sem náði góðu skoti sem Amber átti ekki séns í. Staðan orðin 4-2 og ekki var allt búið enn. Murr gerði murr á 44. mínútu og Amber heimtaði fókus í kjölfarið en varð að sækja boltann í þriðja sinn í mark sitt mínútu síðar og það hreinlega sauð á henni. Stólastúlkur reyndar mjög ósáttar við að markið hafi fengið að standa þar sem leikmaður Víkings var kolrangstæður, kom ekki við boltann en hafði næsta örugglega áhrif á leikinn. Staðan 5-3 í hálfleik.
Leikurinn var ekki jafn opinn í síðari hálfleik en lið Tindastóls fékk á sig fá færi en skapaði nokkrar lofandi stöður í sókninni. Murr átti skalla naumlega framhjá og síðan átti hún augljóslega að fá vítaspyrnu þegar markvörður Víkings tók hana niður. Ekkert var dæmt. Á fimmtu mínútu í uppbótartíma minnkaði Christabel Oduro muninn í eitt mark en Stólastúlkur héldu út tvær mínútur í viðbót eða þar til dómarinn flautaði af.
Baráttan um sæti í Bestu deildinni í algleymingi
Gríðarlega mikilvægur sigur Tindastóls sem eltir nú lið HK í baráttunni um sæti í Bestu deild en lið FH hefur dálitla forystu á HK og Tindastól. Leikurinn var hin besta skemmtun, var jafn og spennandi og sjá mátti fín tilþrif hjá báðum liðum. Reyndar afar ólíkt liði Tindastóls að fá á sig fjögur mörk og nú þarf að þétta raðirnar á ný fyrir lokaumferðirnar. Í dag vantaði Claudiu Valettu í lið Tindastóls en hún meiddist í leiknum gegn Haukum á dögunum. Þá skiptu tveir stúlkur úr liði Tindastóls áður en leikmannaglugginn lokaði; þær Lara Margrét og Anna Margrét sem báðar höfðu staðið sig með ágætum þrátt fyrir reynsluleysi í meistaraflokki. Rakel Sjöfn kom inn í lið Stólastúlkna í stað Claudiu í dag og stóð sig vel.
Í næstu umferð fara Stólastúlkur austur á firði og þurfa að sækja þrjú stig þangað en á sama tíma mætast lið FH og HK á Kaplakrikavelli. Sannarlega stórleikir báðir tveir.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.