Stólarnir mæta Hvíta riddaranum í úrslitakeppninni
Síðustu leikirnir í B-riðli 4. deildar fóru fram í dag og fékk Tindastóll þunnkskipað lið Stokkseyrar í heimsókn á Krókinn. Leikurinn fór nánast eingöngu fram á vallarhelmingi gestanna og það má undrum sæta að Stólarnir hafi ekki skorað tíu fimmtán mörk. Þeir létu fimm duga en maður leiksins var án efa hinn 39 ára gamli Hlynur Kárason í marki gestanna sem varði flest sem á markið kom og var alveg búinn á því í leikslok.
Það var rigning og vindur og þjálfaðir piltar á Sauðárkróksvelli og hvergi skjól að fá... nema auðvitað í nýklæddri stúkunni sem áhorfendur voru þakklátir fyrir. Tindastólsmenn tóku völdin strax í byrjun en gestirnir hentu í hálfgerða handboltavörn við vítateiginn. Hlynur markvörður, sem hóf ferilinn með Blikum í byrjun aldarinnar, kunni greinilega að standa í marki og varði hvað eftir annað frá heimamönnum úr dauðafærum. Jónas Aron braut þó ísinn á 31. mínútu og þremur mínútum síðar bætti Paolo Gratton við öðru markinu og staðan 2-0 í hálfleik.
Áfram vörðust gestirnir í síðari hálfleik og komust varla yfir miðju fyrr en allt í einu. Þá slapp framherji þeirra einn í gegn eftir langa sendingu, Einar Ísfjörð ákvað að æða út úr vítateignum sínum og vinna boltann en dómarinn taldi hann hafa notað hendi og sýndi honum því rauða spjaldið. Inn á völlinn rölti Anton Helgi, varamarkvörður í þessum leik, og hann þurfti að taka á honum stóra sínum til að verja aukaspyrnuna sem fylgdi í kjölfar rauða spjaldsins. Einum færri tóku Stólarnir þó öll völd á vellinum á ný og það virtist nánast skárra að hafa færri leikmenn á vellinum til að flækja ekki málin. Gestirnir voru að vísu orðnir hálf þreytulegir enda einhverjir þeirra komnir af léttasta skeiði. Það kom því ekki á óvart þegar Eysteinn Bessi skilaði boltanum í tvígang í markið af á 73. og 75. mínútu, fyrst eftir að hafa sloppið einn inn á teig og renndi boltanum framhjá markverðinum og svo fylgdi hann vel á eftir á fjærstöng. Það var síðan Jónas Aron sem gerði annað mark sitt á 86. mínútu og gulltryggði 5-0 sigur Tindastóls.
Það brá oft fyrir fínu spili hjá heimamönnum sem voru með boltann mest allan tímann og í raun óskiljanlegt að liðið hafi ekki skorað miklu fleiri mörk.
Sem fyrr segir þá var þetta síðasti leikur liðsins í B-riðli 4. deildar og nú tekur úrslitakeppnin við. Stólarnir þurfa ekki að taka þátt í undankeppninni heldur fara beina leið í átta liða úrslitin þar sem þeir mæta Hvíta riddaranum sem tapaði ekki leik í A-riðli 4. deildar í sumar, gerði tvö jafntefli. Fyrri leikur liðanna verður á Króknum laugardaginn 3. september.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.