Meistaraefnin úr Keflavík stöðvuðu bikardrauma Stólastúlkna
Það verður ekki sagt að Stólastúlkur hafi haft heppnina með sér þegar dregið var í VÍS bikarnum nú í haust því ekki var nóg með að lið Tindastóls þyrfti að spila á útivelli heldur dróst liðið á móti liði Keflavíkur sem enn hefur ekki tapað leik í Subway-deild kvenna. Það er skemmst frá því að segja að heimastúlkur reyndust sterkari aðilinn í leiknum og unnu hann af öryggi. Lokatölur 88-52 og lið Tindastóls því úr leik í VÍS bikarnum.
Lið Keflavíkur fór betur af stað, komst í 5-0, en Stólastúlkur bitu aðeins frá sér í byrjun og staðan var 7-7 eftir þriggja mínútna leik. Næstu níu stig voru heimastúlkna og þær náðu forystu sem þær létu ekkert af hendi það sem eftir var leiks. Gestirnir voru samt sem áður inni í leiknum og áttu ágæta spretti. Staðan að loknum fyrsta leikhluta var 24-16 og um miðjan annan leikhluta 37-24. Stólastúlkur náðu að minnka muninn í tíu stig, 40-30, með körfu frá Evu Rún en staðan í hálfleik var 43-30.
Í þriðja leikhluta skiptu heimastúlkur um gír og brunuðu yfir gestina, unnu leikhlutann 29-5 og staðan að honum loknum 72-35. Fjórða leikhlutann náðu Stólastúlkur að sigra með einu stigi, 16-17, sem var kannski pínu sólargeisli í erfiðum leik.
Níu stúlkur voru á skýrslu hjá liði Tindastóls í dag og hópurinn hreint ansi þunnuskipaður. Hópar beggja liða voru nýttir til hins ýtrasta og allar fengu stúlkurnar góðan spilatíma sem er jákvætt. Stigahæst Stólastúlkna var Chloe Wanink með 23 stig og hún hirti líka sex fráköst. Emese Vida gerði tólf stig og tók 11 fráköst og Eva Rún gerði sjö stig. Gestirnir fráköstuðu bísna vel gegn sterkum andstæðingi í dag, náðu 38 stykkjum gegn 44 heimastúlkna. Þær töpuðu hins vegar 23 boltum en Keflavík ellefu.
Karlalið Tindastóls átti einnig að spila á Suðurnesjunum í dag en leik Njarðvíkur og Stólanna var frestað meðan beðið er niðurstöðu í stóra svindlmálinu – eða þannig.
Næstkomandi fimmtudag verður hið sjaldgæfa fyrirbrigði tvíhöfði í Síkinu. Þá taka stelpurnar á móti Stjörnunni kl. 17:15 en karlalið félaganna mætast síðan kl. 20:00.
Fleiri fréttir
-
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.