Jafntefli í hörkuleik í Kórnum
Það var stórleikur í Kórnum í Kópavogi í gærkvöldi þegar liðin í öðru og þriðja sæti Lengjudeildar kvenna mættust í hörkuleik og skiptu stigunum á milli sín. Eins og leikir Stólastúlkna að undanförnu var þessi ekki frábrugðinn að því leyti að leikur liðsins var kaflaskiptur – fyrri hálfleikur slakur en síðari hálfleikur mun betri. Jafnteflið þýðir að stað þriggja efstu liða er óbreitt en nú geta liðin í fjórða og fimmta sæti blandað sér enn frekar í toppbaráttuna nái þau hagstæðum úrslitum. Lokatölur í Kórnum voru 1-1.
Þrátt fyrir að vera slakari aðilinn í fyrri hálfleik fékk lið Tindastóls nokkur ágæt færi og fyrsta mark leiksins gerðu einmitt gestirnir á 9. mínútu. Þá átti Kristrún frábæra sendingu inn fyrir vörn HK á Murr sem komst upp að endamörkum og sendi góðan bolta á Hugrúnu sem gerði engin mistök fyrir opnu marki. Þriðja markið hjá Hugrúnu í sumar og öll hafa þau komið gegn sterkustu mótherjunum; FH, HK og Víkingi. Heimastúlkur pressuðu í kjölfarið að marki Stólastúlkna og áttu nokkra sénsa áður en jöfnunarmarkið leit dagsins ljós á 15. mínútu. Þá missti Amber boltann eftir skot og Isabella Eva Aradóttir potaði honum í markið. Amber lét mistökin ekki á sig fá og hélt liði Tindastóls inni í leiknum fram að hléi með góðum vörslum og inngripum.
Í hálfleik gerði Donni þrjár breytingar en þá skipti hann Melissu, Claudiu og Bergljótu inn fyrir Hrafnhildi, Aldísi Maríu og Sólveigu Birtu. Nú færðist meiri ógn í leik Stólastúlkna og liðið hélt boltanum betur og frammi var stöðug ógn af Murr sem komst næst því að koma boltanum í mark HK þegar hún skallaði hornspyrnu í stöngina. Gestirnir pressuðu töluvert undir lokin og fengu Stólastúlkur nokkrar álitlegar hornspyrnur en inn vildi boltinn ekki.
„Það er allt ennþá opið í þessu“
Feykir spurði Donna hvað honum hefði fundist um leikinn. „Fyrri hálfleikurinn var aftur slakur spillega séð eins og á móti Fylki. Hins vegar eins og þá, þá skorum við samt frábært mark. Seinni hálfleikurinn var svo aftur mjög góður en það vantaði aftur að reka endahnútinn. Heilt yfir ágætis frammistaða og nú er að halda áfram og bæta í þvî það er allt ennþá opið í þessu.“ Aðspurður um frammistöðu nýju stúlknanna, Melissu og Claudiu sem komu báðar inn á í hálfleik, þá var Donni ánægður og fannst þær koma vel inn í leikinn og standa sig vel.
Næst spila Stólastúlkur í Hafnarfirði 5. ágúst gegn liði Hauka sem er nú í neðsta sæti deildarinnar. Næsti heimaleikur er hinsvegar ekki fyrr en 13. ágúst þegar lið Víkings kemur í heimsókn – þá verður sumarið væntanlega komið á Krókinn...
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.