Uppskrift frá Hörpu og Tryggva
Gott um páskana
Að þessu sinni eru það Húnverski Húsvíkingurinn Harpa Hermannsdóttir og eiginmaður hennar Tryggvi Björnsson, tamningarmaður, sem deila uppskriftum sínum með lesendum Feykis. Þau Harpa og Tryggvi skora á þau Gunnar Þorgeirsson og Grétu Karlsdóttir Efri-Fitjum Vestur-Húnavatnssýslu að koma með uppskriftir að hálfum mánuði liðnum.
Forréttur
Humar í skel með ostabráð
Fyrir 6
- 1,2 kg stór humar
- 150 gr hvítlauks smurostur
- 200 gr smjör
- 4 stk hvítlauksgeirar, fínt saxaðir
- ½ búnt fínt söxuð steinselja
- Safi úr 1 sítrónu
- Salt og pipar
Meðlæti:
- 3 stk sítrónur
- 8-10 stk fransktbrauð eða snittubrauð
- Hvítlaukssmjör
Kljúfið humarinn hálffrosinn eftir endilöngu og fjarlægið svörtu röndina(görnina), setjið í ofnskúffu og geymið (helst í frysti) á meðan osta-bráðin er löguð.
Bræðið sama ost og smjör og bætið hvítlauk, steinselju, kryddi og sítrónusafa saman við. Hrærið vel saman. Þekið humarinn með ostabráðinni og setjið undir grill í ofni í 4-5 mín eða þar til humarkjötið losnar aðeins frá skelinni. Berið fram strax ásamt smjörinu úr skúfunni.
Aðalréttur
Fyllt læri
- 1 úrbeinað lambalæri
- 100 gr fetaostur skorin niður í smærri bita
- 10-12 sólþurrkaðir tómatar skornir niður
- 3 msk furuhnetur
- 3 msk rautt pesto
- 2-3 hvítlauksgeirar saxaðir
- Basilika, að vild (fersk eða krydd)
- 1 tsk rósmarin (ferskt eða krydd)
- nýmalaður pipar
- salt
Öllu blandað saman.(ath má auka magn af fyllingu að vild)
Fyllingin sett inní lærið og lokað, gott að binda lærið saman eða stinga prjóni í til að loka því. Að lokum á að krydda lærið vel með salti og pipar.
Elda lærið í ofni við ca 140˚c í 1½ tíma síðan er hitinn hækkaður í 200˚c og lærið eldað í 15-20 mín til viðbótar
Eftirréttur
Mars mousse
- 4 mars súkkulaði
- 1/2 líter rjómi, létt þeyttur.
- 2 eggjahvítur
- 2 msk mjólk
- Þeyttur rjómi, mars í bitum eða hvað sem þú vilt skreyta með.
Skerið marsstykkin í bita og setjið þau í pott ásamt 2 msk af mjólk. Bræðið súkkulaðið við vægan hita þar til úr verður silkimjúk súkkulaðiblanda. Takið pottinn þá af hellunni og látið standa í 10-15 mín meðan mesti hitinn rýkur úr blöndunni. Hellið henni þá í skál. Þeytið rjómann og blandið honum svo varlega saman við súkkulaðiblönduna. Stífþeytið þá eggjahvíturnar og blandið þeim varlega saman við súkkulaðirjómann. Setjið í fallega skál og skellið inn í ísskáp eða frysti þar til blandan er orðin stíf. Skreytið þá með þeyttum rjóma, marsbitum eða því sem þú vilt.
Fleiri fréttir
-
Haustfundur Heimilisiðnaðarsafnsins
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 11.05Hinn árlegi haustfyrirlestur Heimilisiðnaðarsafnsins verður haldinn laugardaginn 26. október nk. kl. 14:00 og að þessu sinni er það Jón Torfason, sagnfræðingur sem mun flytja fyrirlestur um fatnað íslensks almúgafólks á 18. og 19. öld.Meira -
Ugla Stefanía hlutskörpust í prófkjöri Pírata í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 09.49Píratar hafa skipað sína framboðslista að afloknu prófkjöri. Í Norðvesturkjördæmi var það Ugla Stefanía Kristjönudóttir Jónsdóttir sem bar sigur úr býtum og leiðir því lista Pírata í komandi kosningum. Ugla Stefanía er frá Stóra-Búrfelli í Austur-Húnavatnssýslu en hún er kynjafræðingur og sérfræðingur í málefnum hinsegin fólks.Meira -
Bleiki dagurinn er í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 09.45Á Bleika deginum hvetjum við alla til að vera bleik - fyrir okkur öll, bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein og aðstandendur þeirra finni stuðning okkar og samstöðu.Meira -
Málþing um torfarfinn í Kakalaskála
feykir.is Skagafjörður, Listir og menning 23.10.2024 kl. 09.03Byggðasafn Skagfirðinga stendur fyrir málþingi um torfarfinn í Kakalaskála í Skagafirði þann 8. nóvember næstkomandi, frá kl. 11–15. Þingið er tileinkað Sigríði Sigurðardóttur, Sirrí í Glaumbæ, fyrrverandi safnstjóra Byggðasafns Skagfirðinga, í tilefni af stórafmæli hennar en hún varð sjötug á dögunum. Fjallað verður um torfarfinn frá ýmsum hliðum á málþinginu.Meira -
Álfhildur fer fyrir lista VG í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 08.33Framboðslisti Vinstri grænna í Norðvesturkjördæmi var samþykktur á kjördæmisráðsfundi hreyfingarinnar í Norðvesturkjördæmi í gærkvöldi. Eins og greint var frá í síðustu viku hafði oddviti VG í kjördæmi, Bjarni Jónsson, sagt skilið við flokkinn og því ljóst að nýr oddviti færi fyrir lista VG. Það kom svo í ljós í gær að það er Álfhildur Leifsdóttir, kennari og sveitarstjórnarmaður í Skagafirði, sem leiðir listann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.