Ungmennaflokkur karla með tvo sigra í Síkinu um helgina
Í Síkinu um helgina átti Ungmennaflokkur karla tvo leiki á móti Grindavík og var fyrri leikurinn spilaður á laugardaginn kl. 16:00 og seinni leikurinn á sunnudeginum kl. 12:00. Þarna voru tvö efstu lið Ungmennaflokks að mætast og var því von á mikilli baráttu.
Laugardagsleikurinn byrjaði frekar jafn og þegar fimm mínútur voru búnar af leiknum var staðan 15-12 fyrir Stólunum en þá gáfu okkar menn í. Grindvíkingar réðu ekkert við Stólana og staðan í lok fyrsta leikhluta 32-19. Grindvíkingar byrjuðu hins vegar annan leikhluta betur og náðu þeir að saxa á forskotið og eftir sex mínútna leik var aðeins fjögurra stiga munur, staðan 37-33 fyrir Tindastól. Stólarnir áttu svo yfirhöndina það sem eftir var af öðrum leikhluta og tölur í hálfleik 56-43 fyrir Tindastól. Þriðji leikhluti var mjög jafn og liðin skiptust á að skora, staðan 78-65. Stólarnir voru svo sterkari í byrjun fjórða leikhluta og ná stöðunni 92-77 þegar fjórar mínútur voru búnar en þá sóttu Grindvíkingar hart á okkar menn og náðu að klóra í bakkann. Stólarnir náðu samt sem áður að klára leikinn með þriggja stiga mun 97-94.
Sunnudagsleikurinn byrjaði ekki jafn sannfærandi og deginum áður hjá okkar mönnum og voru Grindvíkingar með völdin og staðan 9-16 fyrir Grindavík eftir fyrsta leikhluta. Sama var uppi á teningnum í fyrri hluta annars leikhluta en okkar menn náðu að halda haus og gott betur en það því þegar flautað var til hálfleiks þá er staðan orðin 44-39 fyrir Stólunum. Grindvíkingar komu hins vegar sterkari inn eftir leikhlé og ná að klára þriðja leikhluta með eins stigs mun og staðan því 58-59 fyrir Grindavík. Stólarnir voru greinilega ekki tilbúnir að gefa frá sér stigin og komu betur hausaðir inn í fjórða leikhluta heldur en Grindvíkingar og leikurinn endaði 83-78 fyrir Tindastól. Okkar menn sitja því einir á toppnum með sjö sigra og ekkert tap.
Glæsilegur árangur hjá strákunum og vonandi ná þeir að halda þessari sigurgöngu. Áfram Tindastóll!
Sæþór Pétur Hjaltason/Sigríður Garðasdóttir. Ljósm. Sæþór Pétur Hjaltason
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.