Sigurkarfan hjá 11. fl. karla þegar 2,7 sek. voru eftir af leiknum - myndband
Um helgina mættust Tindastóll og Vestri í 11. flokki karla í Síkinu og var fyrri leikurinn spilaður á laugardeginum og sá seinni á sunnudeginum. Hart var barist frá fyrstu sekúndu í fyrri leiknum og okkar strákar alltaf skrefi á undan en Vestramenn komu alltaf til baka og staðan í hálfleik 39-35 fyrir Tindastól. Áfram hélt baráttan í seinni hálfleik og var greinilegt að hvorugt liðið ætlaði að gefa eftir. Þegar nokkrar sekúndur voru eftir af leiknum komust Vestramenn einu stigi yfir og Tindastóll tók leikhlé til að setja upp í kerfi. Innkastið var tekið og átti Axel Arnars lokaskotið og skoraði sigurkörfuna þegar 2,7 sekúndur voru eftir af leiktímanum og fögnuðu strákarnir vel í leikslok.
Á sunnudeginum mættust liðin í seinni leik helgarinnar og var staðan 19-11 fyrir okkar strákum eftir fyrsta leikhluta þar sem þeir hittu fjórum þrisum. En áfram hélt baráttan og undir lok hálfleiksins gáfum við eftir og staðan 30-26 fyrir Tindastól. Í þriðja leikhluta var sama upp á teningnum og lauk honum 46-38. Vestramenn komu ákveðnari til leiks í fjórða leikhluta og þrátt fyrir fullt af opnum skotum hjá okkar strákum vildi boltinn ekki ofan í og unnu Vestramenn leikinn 58-62.
Eftir leiki helgarinnar situr 11. flokkur karla í 6. sæti í 2.deildinni með átta stig eftir níu leiki, fjórir sigrar og fimm töp. Þeir eiga næst leik gegn Þór Ak. þann 25. janúar í Glerárskóla sem sitja í níunda sæti.
Hér má sjá þegar Axel Arnars skorðaði sigurkörfuna þegar 2,7 sek. voru eftir af leiktímanum í fyrri leik liðanna.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.