Páll Ragnarsson látinn
Páll Ragnarsson, tannlæknir á Sauðárkróki og formaður Ungmennafélagsins Tindastóls til fjölda ára, lést á Landspítalanum 29. janúar sl. eftir skammvinn veikindi, 74 ára að aldri.
Páll fæddist 20. maí 1946 á Sauðárkróki, sonur Ragnars Pálssonar, útibússtjóra í Búnaðarbankanum, d. 1987, og Önnu Pálu Guðmundsdóttur húsmóður, d. 2018. Páll ólst upp á Sauðárkróki, varð stúdent frá Menntaskólanum á Akureyri 1966 og lauk prófi í tannlækningum frá Háskóla Íslands 1972.
Páll æfði ýmsar íþróttir með Tindastóli á yngri árum, einkum knattspyrnu, og lék síðan með meistaraflokki Vals árin 1966 til 1974. Hann flutti heim á Krók að loknu tannlæknanámi og spilaði í nokkur ár með liði Tindastóls. Hann varð formaður félagsins 1975 og gegndi því embætti allt til ársins 2006. Palli barðist fyrir uppgangi félagsins og aðstöðu þess í mörgum íþróttum, óþrjótandi allt fram á síðasta dag.
Hann fékk gullmerki ÍSÍ árið 1982, á 75 ára afmæli Tindastóls, og gullmerki UMFÍ 2007, fyrir störf sín í þágu Tindastóls. Sama ár varð hann heiðursfélagi félagsins. Þá fékk hann silfur- og gullmerki KSÍ. Páll starfrækti tannlæknastofu sína á Sauðárkróki frá 1974 og allt til dauðadags. Páll var virkur í starfi Sjálfstæðisflokksins á Sauðárkróki og átti m.a. sæti á lista í bæjarstjórnarkosningum og í ýmsum nefndum fyrir flokkinn.
Eftirlifandi eiginkona Páls er Margrét Steingrímsdóttir hjúkrunarfræðingur. Börn þeirra eru Ragnar, f. 1972, Helga Margrét, f. 1975, og Anna Rósa, f. 1977. Barnabörnin eru sjö talsins.
- - - - -
Heimild: Mbl.is
Fleiri fréttir
-
Kjúklingur og skyrkaka | Matgæðingar Feykis
feykir.is Skagafjörður, Í matinn er þetta helst, Lokað efni 03.02.2025 kl. 09.00Matgæðingar vikunnar í tbl. 15, 2024, voru Daníel Þórarinsson og Stefán Óskar Hólmarsson í Skagafirði. Daníel er uppalinn á Króknum og eru foreldrar hans Helga Hjálmarsdóttir, frá Hólkoti í Unadal, og Þórarinn Þórðarson, frá Ríp í Hegranesi. Stefán er héðan og þaðan, eins og hann orðaði það sjálfur, en hann ólst upp á Kjalarnesi og var einnig nokkur ár í Danmörku á uppvaxtarárunum.Meira -
Hvað þarf Sjálfstæðisflokkurinn? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 03.02.2025 kl. 08.40Framundan er landsfundur Sjálfstæðisflokksins þar sem við sjálfstæðismenn stöndum á ákveðnum tímamótum eftir það sem á undan er gengið. Ekki sízt með tilliti til forystumála flokksins. Við þurfum að geta sýnt kjósendum fram á það með trúverðugum hætti að um nýtt upphaf sé að ræða. Bæði þeim sem haldið hafa tryggð við flokkinn og ekki síður hinum sem ekki hafa talið sig getað haldið áfram að kjósa hann. Það verður ekki gert með því að bjóða upp á meira af því sama.Meira -
Upp á topp með Tindastól!
feykir.is Skagafjörður, Íþróttir, Lokað efni 02.02.2025 kl. 22.21Það var toppslagur í Garðabænum í kvöld þar sem topplið Stjörnunnar tók á móti liði Tindastóls sem var í öðru sæti Bónus-deildarinnar. Stólarnir spiluðu vel bæði í sókn og vörn og tóku völdin í öðrum leikhluta. Þeir voru níu stigum yfir í hálfleik og náðu góðu forskoti í síðari hálfleik. Stjörnumenn áttu gott áhlaup í kjölfar þess að Drungilas fékk sína fimmtu villu en Arnar slökkti í þeim og Stólarnir smelltu sér á topp deildarinnar. Lokatölur 82-90.Meira -
Fyrirliðinn Acai áfram með Kormáki/Hvöt
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 02.02.2025 kl. 15.47„Þau gleðitíðindi bárust að norðan með seinni rútunni að fyrirliði Kormáks Hvatar, Acai Nauset Elvira Rodriguez, hefði framlengt samning sinn og myndi leika með liðinu í sumar!.“ Þannig hófst tilkynning á Aðdáendasíðu Kormáks á Facebook í gærkvöldi en Acai hefur leikið 70 leiki með liði Kormáks/Hvatar á fjórum tímabilum.Meira -
Samningaviðræður þungar og erfiðar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.02.2025 kl. 14.52Það er allt útlit fyrir að verkfall kennara skelli á í fyrramálið en um er að ræða 14 leikskóla þar sem verkföllin eru ótímabundin, kennarar sjö grunnskóla fara í verkfall ýmist í þrjár eða fjórar vikur en óljóst er með verkföll í framhalds- og tónlistarstkólum. Líkt og Feykir hefur áður greint frá eru kennarar leikskólans Ársala á leið í verkfall á ný.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.