Laxveiðin víðast hvar betri en í fyrra í Húnavatnssýslum
Húnahornið er sem fyrr með allt á hreinu þegar kemur að veiði í húnvetnskum laxveiðiám. Veiðisumarið fór rólega af stað en hefur heldur betur tekið kipp því veiði er mun betri en hún var á svipuðum tíma í fyrra og sérstaklega gáfu síðustu vikutölur fyrirheit um væna sveiflu. Það er einvörðungu Blanda sem hefur gefið færri laxa en síðasta sumar en síðasta vika lofar góðu.
Sendum boltann á Húna: „Laxveiði í Miðfjarðará er komin yfir þúsund laxa en samkvæmt veiðitölum á vef Landssambands veiðifélaga höfðu í gærkvöldi veiðst 1.033 laxar í ánni og vikuveiðin nam 312 löxum. Um svipað leyti í fyrra höfðu veiðst 556 laxar í ánni svo breytingin er mikil milli ára. Laxá á Ásum er komin í 520 laxa og með vikuveiði upp á 117 laxa. Í fyrra stóð áin í um 330 löxum og má telja líklegt að hún nái þúsund laxa múrnum í sumar.
Víðidalsá er komin í 361 lax og með vikuveiði 98 laxa en í fyrra var búið að veiða 312 laxa í ánni. Vatnsdalsá stendur í 316 löxum og 78 laxa vikuveiði. Í fyrra höfðu veiðst 180 laxar í ánni. Veiðst hafa 198 laxar í Blöndu og vikuveðin þar 71 lax. Um svipað leyti í fyrra höfðu veiðst tæplega 300 laxar í ánni. Hrútafjarðará er komin í 154 laxa sem er mun meiri veiði en á sama tíma í fyrra þegar um 50 laxar höfðu veiðst í ánni. Veiði síðastliðna viku var 39 laxar. Svartá er komin í 41 lax sem er svipað og í fyrra.
Miðfjarðará er komin í 3. sæti yfir aflahæstu laxveiðiár landsins. Í 1. sæti er Þverá/Kjarrá með 1.327 laxa og í 2. sæti er Ytri-Rangá með 1.191 lax.“
Fleiri fréttir
-
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.