Hannyrðabók með hekluðum fígúrum og dóti
Þann 16. nóvember sl. kom út bókin Hekla en sú bók er með uppskriftum að hekluðum leikföngum fyrir yngstu kynslóðina og má þar finna uppskriftir af svani, einhyrningi, blómálfi, jólakúlum og margt fleira. Þær henta bæði byrjendum og lengra komnum og er það Elsa Harðardóttir, 34 ára Seyðfirðingur sem býr í Hafnarfirði, sem á heiðurinn af þessari bók.
Í bókinni eru 15 nýjar uppskriftir sem verða einungis í bókinni en einnig eru þar þrjár vinsælar eldri uppskriftir sem fylgja með. Allar uppskriftirnar eru eftir Elsu sjálfa og hafa meðal annars birst uppskriftir eftir hana í erlendum handavinnutímaritum. Aðspurð hvenær áhuginn hafi kviknað á að hekla segir hún að hann hafi komið um leið og hún varð ólétt að dóttur sinni sem hjálpaði henni að þróa uppskriftirnar og hugmyndirnar fyrir bókina.
En hvenær byrjaði þú að hekla? ,,Ég var nýbúin að læra að hekla þegar á skall útgöngubann í Danmörku árið 2020 þar sem ég bjó á þeim tíma. Það er óhætt að segja að heklunálin hafi bjargað covidtímanum fyrir mér.“
Elsa er ekki bara forfallinn heklari heldur er hún iðin við all flesta handavinnu og segist ætla að læra að prjóna fyrir fimmtugt og því nægur tími til stefnu. En það sem henni finnst skemmtilegast að hekla er serían hennar, Fyrirmyndir, og stefnir hún á að gera fleiri gerðir af Fyrirmyndum núna þegar þessi bók er tilbúin og komin í sölu.
Hver var kveikjan að því að gera þessar æðislegu dúkkur? „Vinkona mín gaf dóttur minni heklaða kanínu þegar hún fæddist og mér þótti svo ótrúlega vænt um þessa fallegu gjöf. Hún sefur enn með hana fimm árum seinna. Handgerðir og persónulegir hlutir eldast, að mínu mati, mikið betur en þessir fjöldaframleiddu!"
Ertu að selja þær einhverstaðar? „Nei, ég sel ekki tilbúnar fígúrur. Ég gef þær til barna sem ég þekki og í Míuboxið og á Barnaspítalann.
Hvar er hægt að kaupa bókina? „Hekla fæst í Sölku, verslunum Pennans, í Hagkaupum, Nettó, Bónus, Bókakaffinu Selfossi, Bókaverslun Breiðafjarðar, A4 og fleiri frábærum handavinnubúðum."
Ertu komin með fleiri hugmyndir að bókum? „Algjörlega. Ég er að vinna í alls konar hugmyndum. Hvergi nærri hætt."
Hentar þessi bók fyrir þann sem að kann ekki að hekla en langar að læra? „Fullkomlega! Í hverri uppskrift kemur fram erfiðleikastig og það eru nokkrar hugsaðar fyrir byrjendur! Svo fylgir QR kóði með í bókinni. Þar er hægt að fylgja hlekk þar sem finna má myndbönd á heklaðferðir. Að auki eru fallegar skýringarmyndir í bókinni sem Ylfa Grönvold teiknaði svo fallega fyrir mig."
Feykir óskar Elsu til hamingju með frábæra bók sem vonandi á eftir að rata í harða pakkann hjá hannyrðafólki á Norðurlandi vestra.
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.