Fjórar Stólastúlkur í liði ársins
Fótbolti.net hefur kynnt val sitt á liði ársins í Lengjudeild kvenna sem lauk á dögunum en það voru FH og Tindastóll sem flugu upp úr deildinni og leika því í Bestu deildinni á næstu leiktíð. Fjórar Stólastúlkur eru í liði ársins eða jafnmargar og FH-stúlkurnar. Varnarjaxlar Tindastóls, María Dögg Jóhannesdóttir og Bryndís Rut Haraldsdóttir, fyrirliði, eru í liði ársins sem og Hugrún Pálsdóttir og Murielle Tiernan.
Það er ekki spurning að stelpurnar verðskulda sætin í liði ársins. Bryndís spilaði allar mínúturnar í sumar, gerði fjögur mörk og stöðugleikinn er hreint aðdáunarverður. María Dögg, sem spilar mest í bakverðinum, lék sama leik og Bryndís, spilaði allar mínúturnar, gerði þrjú mörk og var virkilega traust. Hugrún var gríðarlega mikilvæg á kantinum, náði öllum leikjum en ekki öllum mínútunum, enda ansi oft mætt til leiks með nokkrar dældir. Hún gerði sex mörk í sumar. Murr stríddi við meiðsli framan af móti og skoraði ekki mikið í fyrri umferðinni en hún endaði síðan næst markahæst í deildinni eftir að sóknarleikurinn fékk boost um mitt mót og hún náði að hrista af sér meiðslin. Murr náði að setjann 15 sinnum í sumar í 17 leikjum.
Við náðum okkar stóra markmiði
„Mér fannst sumarið mjög gott heilt yfir og náðum okkar stóra markmiði að fara beint aftur upp. Maður sá miklar framfarir hjá öllum í liðinu og spilamennska liðsins verður bara betri og betri,“ segir María Dögg þegar Feykir spurði hana út í sumarið með liði Tindastóls.
Hún segist hafa verið mjög ánægð með eigin frammistöðu í sumar og telur að þetta sé besta sumarið hennar í boltanum til þessa. „Ég held að heimaleikurinn á móti F/H/L hafi verið minn besti leikur í sumar.“
Náðirðu að spila allar mínúturnar í sumar? „Já, ég gerði það og er stolt af því, það er ekkert gefins að spila allar mínúturnar í þessu góða liði.“
Hvernig líst þér á sumar í Bestu deildinni? „Þetta er mjög krefjandi verkefni, deildin er alltaf að verða betri og liðið þarf að vera vel undirbúið en ég hef fulla trú á þessu liði!“ segir María Dögg í lokin.
Lið ársins hjá Fótbolta.net
Hér fyrir neðan má sjá það hvernig lið ársins í Lengjudeildinni er skipað hjá Fótbolta.net:
Tinna Brá Magnúsdóttir - Fylkir (markvörður)
María Dögg Jóhannesdóttir - Tindastóll
Maggý Lárentsínusdóttir - FH
Bryndís Rut Haraldsdóttir - Tindastóll
Sunneva Hrönn Sigurvinsdóttir - FH
Isabella Eva Aradóttir - HK
Sigríður Lára Garðarsdóttir - FH
Hugrún Pálsdóttir - Tindastóll
Linli Tu - Fjarðab/Höttur/Leiknir
Murielle Tiernan - Tindastóll
Telma Hjaltalín Þrastardóttir - FH
Bryndís Rut, fyrirliði Tindastóls, segir lið Tindastóls hafa átt gott tímabil. „Náðum fyrsta markmiðinu og komnar upp í Bestu deildina! Tindastóll á mikið af flottum leikmönnum og að mínu mati eðlilegt að sjá fjöldann sama og hjá liði FH en lítið skildi á milli þessara liða í sumar.“
Feykir óskar stelpunum til hamingju með valið.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.