Fjárhagsáætlun Blönduósbæjar 2009
Bæjarstjórn Blönduósbæjar samþykkti fjárhagsáætlun 2009 á fundi sínum þann 13. janúar
2009. Áætlunin er unnin við óvenjulegar kringumstæður, efnahagskerfi landsins hefur orðið
fyrir stærri áföllum en áður hefur þekkst og mikil óvissa er í fjármálum ríkisins, sveitarfélaga
og fyrirtækja. Áhrif á rekstur Blönduósbæjar koma fram í minni tekjum auk þess sem
fjármagnskostnaður vex samhliða aukinni verðbólgu.
Bæjarfulltrúar á Blönduósi tóku höndum saman um gerð fjárhagsáætlunar og voru samstíga
í þeirri vinnu. Unnin var greining á öllum stofnunum og hagrækt í rekstri í samstarfi við
starfsmenn deildanna. Náðist umtalsverður árangur af þeirri vinnu sem skilar sér í lægri
rekstrarkostnaði. Markmiðið við gerð fjárhagsáætlunarinnar er að treysta stoðir samfélagsins
og halda áfram með þau verkefni sem eru í vinnslu.
Helstu verkefni ársins verða að halda áfram byggingu sundlaugar og er stefnt að því að opna
hana 2010. Þá verður unnið að endurbótum í dreifikerfi vatnsveitunnar og fráveitunnar m.a. á
Hólabraut og í Brautarhvammi. Haldið verður áfram frágangi skólalóðar og aðkomu að
íþróttahúsi.
Álagningarprósenta útsvars verður 13,28 %. Álagningastofnar fasteignaskatts eru óbreyttir
en fasteignamat hækkaði um 5%. Sorpgjöld hækka um rúm 20%.
Tekjur eru áætlaðar 609 milljónir. Útgjöld með afskriftum er áætlaðar 569 milljónir. Afskriftir
eru áætlaðar tæpar 43 milljónir. Hagnaður af rekstri án fjármagnskostnaðar er því áætlaður
40 milljónir króna. Niðurstöður áætlunarinnar að teknu tilliti til vaxta og verðbóta er 15 milljón
króna tap. Veltufé frá rekstri er 56 milljónir. Gert er ráð fyrir fjárfestingum upp á um 138
milljónir á árinu.
Skuldir við lánastofnanir eru tæpir 692 milljónir og skuldir og skuldbindingar samtals 831
milljónir. Fastafjármunir eru tæpir 1.117 milljónir og fastafjármunir og eignir eru samtals
1.276 milljónir. Gert er ráð fyrir lántökum upp á 120 milljónir og að afborganir lána verði um
100 milljónir.
/blonduos.is
Fleiri fréttir
-
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira -
130 ökumenn kærðir fyrir of hraðan akstur yfir páskahelgina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 11.42Lögreglan á Norðurlandi vestra segir að talsverður erill hafi verið í embættinu yfir páskahátíðina en alls voru skráð rúm 240 mál frá miðnætti á miðvikudag, fram til miðnættis á mánudag. Mikið var um skemmtanahöld sem fóru að mestu vel fram og var fylgst gaumgæfilega með ástandi og réttindum ökumanna.Meira -
Karlakór Bólstaðarhlíðarhrepps býður til kaffisamsætis á sumardaginn fyrsta
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 11.34Í tilefni af eitthundrað ára afmæli Karlakórs Bólstaðarhlíðarhrepps býður kórinn til kaffisamsætis fimmtudaginn 24. apríl, sumardaginn fyrsta, í Húnaveri klukkan 15 og eru allir velkomnir.Meira -
Vel heppnað Páskamót PKS
feykir.is Skagafjörður, Íþróttir, Lokað efni 22.04.2025 kl. 10.58Það er hefð fyrir því hjá Pílukastfélagi Skagafjarðar að halda Páskamót PKS og fór það fram þann 18. apríl, föstudaginn langa, í aðstöðunni á Króknum. Alls voru skráðir 25 þátttakendur til leiks og var spilað í fimm riðlum. Eftir riðlakeppnina var raðað í A og B úrslit sem var spilað með útslætti. Þrír efstu í hverjum riðli spiluðu í A úrslitum en aðrir fóru í B úrslit. Margir hörkuleikir litu dagsins ljós og réðust undanúrslitaleikir í oddaleggjum.Meira -
Grátlegt tap á móti Þór/KA
feykir.is Skagafjörður, Íþróttir, Lokað efni 22.04.2025 kl. 09.51Stólastelpur spiluðu sinn annan leik í Bestu deildinni í gær í Boganum á Akureyri á móti sterku liði Þórs/KA. Úrslit leiksins voru hins vegar sorgleg fyrir okkar stelpur sem töpuðu leiknum 2-1. Þegar þessi lið mættust síðast áttu Stólastelpur engan séns og fengu níu mörk á sig en annað var uppi á teningnum í gær. Donni, þjálfari stelpnanna, segir í samtali við visir.is að þær hafi verðskuldað sigur í leiknum miðað við vinnuframlagið, baráttuna og færin og algjört bull að Þór/KA hafi unnið leikinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.