Tólf teymi í þjálfun á Norðurlandi vestra í sl. viku
Það var nóg um að vera hjá Lögreglunni á Norðurlandi vestra í síðastliðinni viku því bæði á Sauðárkróki og á Blönduósi fór fram þjálfun, prófun og vottun löggæsluhunda fyrir allar löggæslustofnanir á Íslandi. Hingað voru mætt tólf teymi og voru lögð fyrir þau, bæði hunda og þjálfara, ýmis verkefni með það að markmiði að þjálfa færni þeirra í leit að sprengjum eða fíkniefnum. Þá þurfa öll teymi að fá þjálfun/prófun í skotfæra- og skotvopnaleit.
Af þessum tólf teymum voru fjögur í endurmati af þeim ellefu sem eru starfandi í dag en gerð er krafa um að allir starfandi hundar og þjálfarar þeirra þreyti próf á hverju einasta ári til að viðhalda starfsleyfinu. Þrjú sprengjuteymi og fimm fíkniefnateymi voru einnig á svæðinu en þau hafa verið í grunnnámi síðan í apríl á síðasta ári og hafa farið fram lotur bæði hér og fyrir sunnan í því námi. Þegar þessi átta teymi, sem eru á námskeiðinu, hafa lokið sínu námi má segja að endurnýjun eigi sér stað í greininni því nokkrir hundanna eru komnir á aldur og fá því að hætta störfum.
Yfirstjórn hundamála hjá lögreglunni er Steinar Gunnarsson, aðstoðaryfirlögregluþjónn hjá Lögreglunni á Norðurlandi vestra, og fer Lögreglustjórinn á Norðurlandi vestra með umsjón löggæsluhunda á landsvísu í samvinnu við Menntasetur lögreglunnar. Það snýst m.a. um gæðamál og menntun fyrir bæði hunda og menn. Aðspurður hversu oft svona teymi séu notuð í útköllum á Íslandi segir hann að það sé yfirleitt alla daga og þá ýmist í tenglsum við opinberar heimsókir, sakamál og svo við dagleg störf eins og á landsmærum og úti í samfélaginu. "Hundar gera mikið gagn í löggæslunni og mætti nýta hæfileika þeirra mun meir en gert er í dag," segir Steinar. Til gamans má geta að sex hundar voru heiðraðir eftir þessa lotu og voru þrír af þeim undan lögregluhundinum Þoku sem Steinar átti og þjálfaði en hún féll frá á þessu ári.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.