Headphone-inn þurfti alltaf að vera tengdur / BEGGI ÓLA
Þorbergur Skagfjörð Ólafsson, búsettur í Kópavogi, fæddist 1974 og er Jobbi eins og hann segir sjálfur, kallaður Beggi Óla. Hann ólst upp á Sauðárkróki til 14 ára aldurs hjá ömmu og afa, Svövu og Begga Jóseps á Grundarstígnum. Pabbi hans er Óli Begga, húsasmiður á Trésmiðjunni Björk. Beggi spilar á trommur og slagverk.
„Þegar ég var ungur spilaði ég í mörgum bílskúrsböndum þ.a.m á Sauðárkróki,“ segir Beggi. „Eftir að ég flutti til Reykjavíkur fór ég að spila með hinum og þessum hljómsveitum með alls konar tónlistarstefnur; jazz, popp, rokk, metal, dauðarokk, gospel og svo mætti lengi telja. Mest varð þó úr hljómsveitunum Poppers, Tilþrif og Undryð en með þeim spilaði ég út um allt land og þ.a.m á Sauðárkróki. Þaðan fór ég svo að tromma fyrir nokkra kóra, t.d. Vocal Project, Gospelkór Ástjarnakirkju, Rokkkór Íslands og nú síðast Fjarðartóna og Lögreglukór Íslands. Í dag er ég svo í frábærri hljómsveit sem heitir Reggie Óðins og erum við að taka upp okkar fjórða disk núna með frumsömdu efni.“
Beggi hefur í gegnum tíðina einnig spilað undir hjá nokkrum fremstu tónlistamönnum Íslands, t.d. Páli Óskari, Pálma Gunnars, Bjartmari Guðlaugs, Bjarna Ara, Páli Rósinkrans, Andreu Gylfa og Rúnari Þór. „Einu má ég þó ekki gleyma en síðasta vetur var ég beðinn um að tromma inn á nýtt Tindastólslag sem samið var fyrir körfuna,“ segir Beggi. Það er lagið Stólar sem Hljómsveit Baldvins I. Símonarsonar tók upp ásamt Hólavegsdúettnum en lag og texta samdi Héðinn Sigurðsson.
Hvaða lag varstu að hlusta á? Rooftops, Culture.
Uppáhalds tónlistartímabil? Tónlist frá 1980 og eftir það, aðallega Kiss og Duran Duran.
Hvaða tónlist fær þig til að sperra eyrun þessa dagana? Gospel tónlist.
Hvers konar tónlist var hlustað á á þínu heimili? Tom Jones og Pops-plöturnar en oftast var kveikt á útvarpinu.
Hver var fyrsta platan/diskurinn/kasettan/niðurhalið sem þú keyptir þér? Vínylplata með Kiss, Love Gun.
Hvaða græjur varstu þá með? Gamlar steríó græjur frá afa og ömmu en headphone-inn þurfti alltaf að vera tengdur.
Hver var fyrsta lagið sem þú mannst eftir að hafa fílað í botn? Love Gun – annars er ég algör alæta á tónlist.
Hvaða lag getur eyðilagt fyrir þér daginn? Ungir strákar með Flóna, þoli ekki íslensk dóprapplög, ömurlegur boðskapur fyrir unga fólkið okkar
Þú heldur dúndurpartí í kvöld, hvað læturðu hljóma í græjunum til að koma öllum í stuð? Duran Duran, Stuðmenn og 80’s tónlist.
Þú vaknar í rólegheitum á sunnudagsmorgni, hvað viltu helst heyra? Pink, Adele eða Lauren Diagle.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Til Evrópu á U2 tónleika, verð ég ekki að segja að ég myndi taka konuna mína með.
Hvað músík var helst blastað í bílnum þegar þú varst nýkominn með bílpróf? Skidrow/Whitesnake.
Hvaða tónlistarmaður hefur þig dreymt um að vera? Phil Collins.
Hver er að þínu mati besta plata sem gefin hefur verið út? Arena og Rio með Duran Duran.
Sex vinsælustu lögin á Playlistanum þínum?
You Say / Lauren Diagle
Hot Fudge / Robbie Williams
Veisses Fleisch / Rammstein
Freedome / Culture
Africa / Toto
Yellow / Coldplay
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.