Verkfallsbroti mótmælt við leikskólann Ársali á Sauðárkróki
Á miðnætti hófust verkföll í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör en þar hefur lítið þokast að því er virðist. Leikskólinn Ársalir á Sauðárkróki er einn þessara níu skóla en það var ljóst í gær að sveitarfélagið Skagafjörður ætlaði ekki að virða viðmiðunarreglur KÍ þegar gefið var út að Leikskólinn Ársalir á Sauðárkróki ætti að vera opinn og lágmarksstarfsemi ætti að vera í leikskólanum. Leikskólakennarar í Ársölum, kennarar í Lundaskóla á Akureyri og Haraldur Freyr Gíslason, formaður Félags leikskólakennara, voru mætt fyrir utan Ársali í morgun til að mótmæla því að leikskólinn yrði opinn.
„Það sýnir að mínu mati þá virðingu sem sveitarstjórnarfólk í Skagafirði hefur fyrir leikskólastiginu, fólkið sem stendur hérna verkfallsvörð er að berjast fyrir börnin okkar, það sárlega vantar fleiri kennara og það er nauðsynlegt að fjárfesta í kennurum, við vitum það og það vita það allir. Ég er farinn að hugsa hvort við þurfum ekki líka að fjárfesta í betra sveitarstjórnarfólki,“ segir Haraldur Freyr Gíslason, formaður Félags leikskólakennara, sem stökk frá samningborðinu upp í flugvél þegar ljóst var í hvað stefndi á Sauðárkróki í morgun.
Hérna er gríðarleg samstaða kennara af öllum skólastigum og öllum skólagerðum sem standa í þessu saman. Ásbjörg Valgarðsdóttir, deildarstjóri í Ársölum, segir að það að fá Harald norður og kennara frá Lundarskóla á Akureyri og finna samstöðuna sé ótrúlega dýrmætt í baráttunni og hafa borist baráttukveðjur frá Fjölbrautaskóla Norðulands vestra og grunnskólunum og leikskólakennarar í Ársölum finna vel fyrir samstöðinni. Leikskólastjórarnir hafa gert allt sem þeir geta til þess að standa við bakið á sínu fólki og ófaglærðum, sem eru innandyra í Ársölum, því líður illa að þurfa að vinna í verkfallsbroti.
Samkvæmt sveitarfélaginu átti að vera opið fyrir ákveðinn fjölda barna og það helgast af því að almennir starfsmenn geti gengið í störf deildarstjóra í verkfalli og það er bara ekki svo að mati KÍ og er klárt verkfallsbrot. „Ef sveitarfélögin vilja halda þeim ágreiningi áfram þá er sá lögformlegi vettvangur sem þeir geta leitað í Félagsdóm. Þau hafa áður leitað í þann dóm nýlega og töpuðu því máli og þetta verkfall sem við höfum boðað er löglegt og hvort þau vilja fara þá leið aftur veit ég ekki. Þessi kjaradeila leysist ekki fyrir dómstólum, hún leysist við kjarasamningsborðið og það er sorglegt að ég þurfi að vera hér en ekki við kjarasamningsborðið og það er í boði sveitarfélaganna,“ sagði Haraldur í samtali við Feyki og bætti við: „Við viljum ná samningum sem fyrst svo þetta verkfall verði sem styðst en það er undir sveitarfélögunum komið, ekki samninganefnd sveitafélaganna. Við erum að semja við sveitarfélögin sjálf og það umboð er ekki komið.“
Fleiri fréttir
-
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.