Stólarnir komnir í tryllta toppbaráttu
Tindastóll og Skallagrímur mættust öðru sinni á fimm dögum í gærkvöldi en þá var loks spilaður margfrestaði leikurinn sem fara átti fram í byrjun tímabils. Leikurinn skipti bæði lið miklu; Tindastólsmenn vildu blanda sér almennilega í toppslaginn en gestirnir koma sér upp af botninum. Það voru Stólarnir sem urðu ofan á í leiknum án þess að eiga neinn stórleik, voru klárlega sterkari aðilinn og unnu nokkuð öruggan 2-0 sigur.
Fyrsta markið kom með næstsíðasta sparki fyrri hálfleiks en þá fengu Stólarnir aukaspyrnu á hægri kanti ofarlega á vellinum. Sendingin fyrir markið var góð og Sverrir fyrirliði keyrði inn á teiginn, skutlaði sér glæsilega með höfuðið á undan sér fullkomnlega láréttur í loftinu en hitti ekki boltann. Varnarmaður Skallagríms, Hrafnkell Váll Valgarðsson, fylgdi Sverri eftir, þó ekki jafn tignarlega, fékk boltann í fót og sendi hann óverjandi í eigið mark. Skallagrímsmenn tóku miðju og dómarinn flautaði til hálfleiks.
Addi Ólafs tvöfaldaði forystu Stólanna á 52. mínútu eftir snarpa sókn. Dominick og Sverrir Hrafn voru hvíldir þegar rúmar 20 mínútur voru til leiksloka og eftir það reyndu gestirnir hvað þeir gátu til að minnka muninn en nokkuð skorti upp á gæðin fremst á vellinum. Þá varði Nikola glæsilega í eitt tvö skipti. Stólarnir fengu nokkra sénsa á lokakaflanum þegar Skallarnir færðu sig framar en fleiri urðu mörkin ekki.
Fimm heimaleikir framundan
Lið Tindastóls er nú í þriðja sæti 4. deildar þegar öll liðin hafa leikið tíu leiki af átján. Ýmir og Hamar hafa verið í bílstjórasæti deildarinnar meiripart sumars en þau töpuðu bæði leikjum sínum um helgina. Ýmir er þó sem fyrr í efsta sæti með 22 stig, Hamar er með 20 stig og lið Tindastóls 19. Nú í síðari umferðinni eiga Stólarnir heimaleiki gegn öllum liðunum í efri hluta deildarinnar og staðan því álitleg. Reyndar er það þannig að næstu fimm leikir Stólanna verða spilaðir á Króknum.
Það er þó ljóst að Stólarnir þurfa að skerpa á sóknarleiknum ef ekki á illa að fara og krossa fingur í von um að lykilmenn lendi ekki í meiðslum. Næsti leikur Tindastóls er á laugardaginn en þá koma Eyjamenn í KFS í heimsókn.
Fleiri fréttir
-
Allir geta verið stoltir af liði Tindastóls, segir Donni
feykir.is Skagafjörður, Íþróttir 07.09.2024 kl. 23.57Feykir spurði Donna, þjálfari Stólastúlkna, hvort hann væri stoltur af liðinu sínu eftir mikilvægan sigur á Fylki. „Ég er í skýjunum með frammistöðuna í dag þegar allt var undir. Stelpurnar stóðust pressuna alveg eins og ég vissi að þær gætu gert. Þær gerðu það sama í fyrra og í raun hefðu mörkin í dag getað verið jafn mörg og þá,“ sagði hann og vísaði í 7-3 sigur á ÍBV í fyrra við svipaðar kringumstæður.Meira -
Stólastúlkur áfram á meðal þeirra Bestu!
feykir.is Skagafjörður, Íþróttir 07.09.2024 kl. 22.05Mikilvægasti leikur sumarsins var spilaður í dag á Sauðárkróksvelli þar sem Tindastóll og Fylkir mættust í nokkurs konar úrslitaleik um sæti í Bestu deild kvenna. Með sigri Fylkis hefðu þær jafnað Stólastúlkur að stigum og átt botnlið Keflavíkur í síðustu umferðinni í úrslitakeppni neðri liða á meðan lið Tindastóls hefði sótt Stjörnuliðið heim. Frá fyrstu mínútu réðu hins vegar heimastúlkur ferðinni, spiluðu í raun hinn fullkomna leik og unnu lið gestanna 3-0 – og tryggðu þar með sætið í Bestu deildinni. Til hamingju Stólastúlkur!Meira -
Fjölmennt í Síkinu þegar Stólarnir lögðu Þórsara
feykir.is Skagafjörður, Íþróttir 07.09.2024 kl. 19.28Fyrsti æfingaleikur karlaliðs Tindastóls í körfubolta fór fram í gærkvöldi en það voru Þórsarar sem þræddu þjóðveginn úr Þorlákshöfn alla leið í Síkið eina og sanna. Ekki er nema um vika síðan allir leikmenn Stólanna komu fyrst saman til æfinga en samkvæmt Körfunni.is þá leiddu heimamenn frá fimmtu mínútu og allt til leiksloka. Lokatölur 95-83.Meira -
„Að skrifa ljóð, texta og rapp er eins og sálfræðimeðferð fyrir sjálfan mig“ / INGI SIGÞÓR
feykir.is Skagafjörður, Tón-Lystin 07.09.2024 kl. 11.31Þá er það Ingi Sigþór Gunnarsson sem teikar Tón-lystar-vagninn að þessu sinni. Það er reyndar bannað að teika og því ekki til eftirbreytni. Ingi Sigþór býr í Fellstúninu á Króknum, er árgangur 2000 sem er auðvitað mjög þægilegt ef menn þurfa að gefa upp aldur – svo lengi sem menn vita hvað ár er. „Ég er alfarið alinn upp á Króknum og er sonur Elvu Bjarkar Guðmundsdóttur og Gunnars Braga Sveinssonar,“ segir Ingi. „Ég kann eitthvað smá á gítar en annars treysti ég mest á röddina sem og kunn-áttu mína á hljóðvinnsluforrit.“Meira -
Tóku fyrri sláttinn með 3ja daga áhlaupi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.09.2024 kl. 09.00Rúnar Aðalbjörn Pétursson, býr í Hólabæ í Langadal ásamt Auði Ingimundardóttur sambýliskonu og börnunum þeirra Pétri Inga og Lilju Björgu. Rúnar er starfandi bóndi með búfræðimenntun og sveinspróf í húsasmíði. Þau búa á blönduðu búi með tæplega 40 mjólkandi kýr og 400 vetrarfóðraðar kindur. Ásamt því vinnur Auður sem ráðunautur hjá Ráðgjafamiðstöð landbúnaðarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.