Kynningarfundur Target Cicurlar - áhrifaríkar sjálfbærniaðgerðir og auðveldari ákvarðanataka
Verkefnið Target Circular stendur fyrir kynningarviðburði á stefnumótunaraðferð fyrir frumkvöðla og fyrirtæki á Gránu, Sauðárkróki, miðvikudaginn 23. Október og hefst viðburðurinn klukkan 10:30. Kallað er eftir þátttöku frá ráðgjöfum um allt land sem veita aðstoð til frumkvöðla og fyrirtækja.
Verkefnið byggir á nýlegum rannsóknum á því hvernig fyrirtæki geta nýtt sér vísindalegri nálgun í ákvarðanatöku og miðar að því að hjálpa litlum og meðalstórum fyrirtækjum að innleiða áhrifaríkar sjálfbærniaðgerðir og auðvelda ákvarðanatöku.
Samtök sveitarfélaga á Norðurlandi vestra (SSNV) hefur á undanförnum vikum unnið með 6 frumkvöðlum/fyrirtækjum á svæðinu við að prófa þessa nýju aðferð og hafa undirtektir verið góðar.
Á viðburðinum munu íslenskir frumkvöðlar, sem tóku þátt í verkefninu, deila sinni reynslu og lærdómi, þar sem lögð verður áhersla á þeirra ferðalag og niðurstöður. Sérfræðingurinn Stephen Barry Hannon frá Munster Technology University (MTU) mun kynna áhrifarík verkfæri sem stuðla að auknu hringrásarhagkerfi og bæta sjálfbærni í rekstri. Að lokum mun Niall O'Leary frá MTU leiða sérsniðna þjálfun fyrir ráðgjafa sem vilja tileinka sér aðferðafræðina og dýpka þekkingu sína á þessum sviðum.
Sveinbjörg Rut Pétursdóttir, verkefnastjóri Target Circular fyrir hönd SSNV, segir að markmið verkefnisins væri ekki aðeins að auðvelda ákvarðanatöku með skýrari upplýsingum heldur einnig að bæta umhverfisárangur fyrirtækja.
„Við viljum veita fyrirtækjum verkfæri til að taka upplýstari ákvarðanir og aðstoða þau við að skilja hvar þau standa með tilliti til sjálfbærni og veita þeim verkfæri til að gera betur. Með því að veita skýrari gögn og tillögur að aðgerðum getum við stuðlað að hagkvæmari ákvörðunum og meiri sjálfbærni innan fyrirtækja“ segir Sveinbjörg.
Verkefnið er samstarfsverkefni Samtaka sveitarfélaga á Norðurlandi vestra, Munster Technology University á Írlandi, Centria University of Applied Sciences á Finnlandi, Kokkolanseudun Kehitys á Finnlandi og Norinnova í Noregi. Verkefnið er fjármagnað að hluta til af Interreg Northern Periphery and Arctic.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.