„Hlakka til að koma heim og syngja í Miðgarði“
Á laugardaginn kemur, þann 10. október, verða stórtónleikar í Menningarhúsinu Miðgarði í Skagafirði þegar Norðlensku tenórarnir, Kristján Jóhannsson, Óskar Pétursson og Árni Geir Sigurbjörnsson, stíga saman á svið. „Það er svakalegur heiður að fá að syngja með Kristjáni og Óskari. Þeir eru báðir mínir uppáhalds tenórar,“ sagði Árni Geir í samtali við Feyki.
Þegar Árni Geir er spurður hvernig það kom til að tenórarnir ákváðu að leiða saman hesta sína svarar hann að hugmyndin sé upprunalega sprottin frá Kristjáni.
„Þetta var hans tillaga. Ég var hálfgáttaður fyrst en svo hugsaði ég að ég yrði að gera eitthvað í þessu og hringdi í Óskar. Hann sagði við mig að ég væri hálfviti ef ég myndi segja nei,“ segir hann og hlær. Í kjölfarið hringdi Árni Geir í Áskel Heiðar Ásgeirsson, hjá Viðburðarríkt ehf., til að koma boltanum af stað.
„Þessir tónleikar leggjast vel í mig. Ég hef ekki sungið með Kristjáni áður, nema í söngtíma, en ég hef sungið með Óskari í afmælum og jarðarförum en ekki á tónleikum. Dagskráin á tónleikunum verður fjölbreytt. Við munum syngja íslensk og ítölsk sönglög, ítalskar aríur auk þess sem við munum syngja dúetta. Við munum hafa gaman af þessu og gleðin verður við völd. Ég hlakka til að koma heim og syngja í Miðgarði,“ segir Árni Geir.
Viðtal við Árna Geir má lesa í Feyki vikunnar.
Forsala aðgöngumiða er á miði.is, miðaverð er kr. 3.900.
Fleiri fréttir
-
Jólahlaðborð Rótarýklúbbs Sauðárkróks
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.12.2024 kl. 11.40Rótarýklúbbur Sauðárkróks hefur undanfarin 12 ár haldið glæsilegt óleypis jólahlaðborð fyrir fjölskyldur í íþróttahúsinu á Sauðárkróki.Meira -
Kiwanisfélagar standa ljósavaktina í Sauðárkrókskirkjugarði
feykir.is Skagafjörður, Mannlíf, Lokað efni 02.12.2024 kl. 11.00Feykir kíkti við hjá þeim Kiwanis-félögum sem stóðu vaktina í kirkjugarðinum á Nöfum á sjálfan kosningadaginn. Líkt og undanfarin ár sér Kiwanisklúbburinn Drangey um lýsingu á leiðum í Sauðárkrókskirkjugarði.Meira -
Fyrsta lagið sem Stjáni fílaði í botn var með Sheryl Crow / KRISTJÁN REYNIR
feykir.is Skagafjörður, Tón-Lystin, Lokað efni 02.12.2024 kl. 09.47Það er Kristján Reynir Kristjánsson sem spreytir sig á Tón-lystinni í þetta skiptið. Hann er fæddur 1992 og með tónlistina í genunum en foreldrar hans eru Ragnheiður Ásta Jóhannsdóttir og Kristján Kristjánsson. Líkt og hjá gamla þá eru trommurnar hans hljóðfæri. „Ég fæddist á Akureyri og ólst upp í Skagafirðinum. Fjölskyldan flutti suður í nokkur ár, komum aftur norður árið 2007 og hér hef ég verið að mestu leyti síðan þá.“Meira -
Sjálfstæðisflokkur endaði stærstur í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 01.12.2024 kl. 15.42Það var reiknað með spennandi kosningu í Norðvesturkjördæmi og glöggir spámenn og kannanir gerðu ráð fyrir að sex flokkar skiptu með sér þeim sex þingsætum sem í boði voru; Framsókn, Viðreisn, Sjálfstæðisflokkur, Flokkur fólksins, Miðflokkur og Samfylking. Síðan yrði happdrætti hvar uppbótarþingmaðurinn endaði. Það fór svo að hann endaði hjá Flokki fólksins sem fékk því tvo þingmenn í kjördæminu.Meira -
Samfylkingin kom, sá og sigraði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.12.2024 kl. 15.02Kosið var til Alþingis í gær og lágu endanleg úrslit fyrir nú í hádeginu en síðastur til að detta inn á þing var Sigurður Ingi Jóhannsson, formaður Framsóknarflokksins Þá var þegar ljóst að Samfylkingin var ótvíræður sigurvegari kosninganna, bættu við sig níu þingsætum, eru því með 15 þingmenn og eina framboðið sem náði rúmlega 20% fylgi. Þá unnu Flokkur fólksiins og Viðreisn vel á, Miðflokkurinn bætti við sig sex þingmönnum og Sjálfstæðisflokkur var einn ríkisstjórnarflokkanna til að vinna varnarsigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.