Heilmikil dagskrá á Húnavöku
Mikið verður um að vera á Blönduósi nú um helgina en bæjar- og fjölskylduhátíðin Húnavaka hófst í gær og stendur fram á sunnudag. Dagskrá hátíðarinnar er afar fjölbreytt og ættu allar kynslóðir að geta fundið sér eitthvað til skemmtunar.
Í dag er opið hús hjá nokkrum fyrirtækjum á staðnum. Söfnin bjóða gesti velkomna og af ýmsu er að taka s.s. sýningu um íslensku lopapeysuna í Heimilisiðnaðarsafninu, gaman er að skoða Minjastofuna í Kvennaskólanum og fá að taka spor í Vatnsdælurefilinn. Einnig er hægt að fara á sýningu um hafís og komast í návígi við ísbjörn í Hillebrandtshúsinu. Leikhópurinn Lotta verður á Káratúni og alltaf er fjör á skólalóðinni. Í kvöld verður svo kótelettukvöld í Evindarstofu og enginn ætti að verða svikinn af þeim kræsingum sem þar verða fram bornar og í Fagrahvammi verður boðið upp á tónlistarveislu þar sem Friðrik Dór Jónsson, Hildur Kristín Stefánsdóttir og Magni Ásgeirsson koma fram. Loks verður ball í Félagsheimilinu með Á móti sól.
Á morgun er fjölbreytt dagskrá. Boðið verður upp á útsýnisflug hjá Flugklúbbi Blönduóss, á Vatnahverfisvelli verður golfmót og hægt verður að fá fjallahjólakennslu og fara í fjallahólaferð fyrir alla fjölskylduna. Blönduhlaup USAH verður hlaupið og Skotfélagið Markviss verður með opinn dag á skotsvæði félagsins. Þá verður söguganga um gamla bæinn, náttúruyogastund í Hrútey og fjölmargt fleira til skemmtunar. Um kvöldið verður kvöldskemmtun í Fagrahvammi með varðeldi og tónlistarveislu ásamt því sem umhverfisverðlaun Blönduósbæjar verða veitt. Á kvöldvökunni koma fram Gunni Helga, Gunni Óla og Einar Ágúst úr Skítamóral, Daði Freyr og hinn eini sanni Helgi Björns. Hljómsveitin Skítamórall spilar svo á balli í Félagsheimilinu seinna um kvöldið.
Á sunnudaginn verður svo boðið upp á gönguferð fyrir alla fjölskylduna og einnig fer hin árlega Prjónaganga úr gamla bænum og að Kvennaskólanum. Sápurennibraut verður sett upp í kirkjubrekkunni og bókamarkaður verður á Héraðsbókasafninu og þar verður einnig Gunni Helga og les upp úr bók sinni, Barist í Barcelona.
Hægt er að kynna sér dagskrána hér og einnig á Facebook síðu Húnavöku.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.