„Bærinn verður alveg prjónaður í drasl“
Alþjóðlegi prjónadagurinn er 11. júní nk. og hann verður aldeilis haldinn hátíðlegur á Blönduósi þegar prjónahátíðin Prjónagleði fer fram í fyrsta sinn, helgina 10. - 12. júní. Þar mun áhugafólk um prjónaskap sameinast, deila og miðla reynslu, læra eitthvað nýtt og hafa gaman. Feykir ræddi við skipuleggjanda hátíðarinnar, Jóhönnu Erlu Pálmadóttur, framkvæmdastjóra Textílseturs Íslands, og fékk að heyra nánar um fögnuðinn sem framundan er.
Búið er að setja saman metnaðarfulla og skemmtilega dagskrá fyrir Prjónagleði, sem hefur hlotið heitið „Knitting Deilight“ á ensku. Skipulögð hafa verið 13 mismunandi námskeið, sem haldin verða fyrir og eftir hádegið að laugardeginum og fyrir hádegið á sunnudeginum. Einnig er boðið upp á fyrirlestra.
„Við erum með toppkennara sem verða að kenna ýmislegt í sambandi við tækni, hönnun og allt mögulegt í sambandi við prjón,“ segir Jóhanna. Námskeið og fyrirlestrar fara fram í Grunnskólanum á Blönduósi en alla helgina mun Íþróttahúsið iða af lífi þar sem kaffihúsastemningin mun ráða ríkjum og sölu- og sýningarbásar verða allt í kring. Þess má geta að frestur til að sækja um að vera með sölubás rennur út þann 20. apríl.
„Á föstudagskvöldið verður setningarhátíð í Félagsheimilinu á Blönduósi og þar ætlar Gísli Einarsson, okkar maður, að ræða um lopapeysuna og Hélène Magnússon verður með tískusýningu. Þar verður jafnframt hátíðarkvöldverður að laugardagskvöldinu,“ segir Jóhanna um skipulagt skemmtanahald. Dagskrána í heild sinni má skoða á vef Textílseturs Íslands og er fólk hvatt til þess að skrá sig til þátttöku á síðunni. Þá eru hópar, s.s. prjóna- og saumaklúbbar, boðnir sérstaklega velkomnir að koma og prjóna-sam-gleðjast.
Mikil eftirvænting er fyrir hátíðinni í bænum og þegar Jóhanna er spurð hvort prjónaklúbbar og svokallaðir prjónagraffarar, sem skreyttu bæinn svo eftirminnilega síðastliðið sumar, ætli að leggja verkefninu lið segir hún að það ætli þeir svo sannarlega að gera. „Þær eru byrjaðar alveg á fullu að prjóna og hekla á alla staura og grindverk út um allar jarðir. Þetta verður ennþá stærra, meira og flottara en síðasta sumar - þannig að bærinn verður alveg prjónaður í drasl,“ segir hún og hlær.
Nánar er fjallað um Prjónagleði í Feykir vikunnar.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.