Töluvert sanngjarn sigur Tindastólspilta
Tindastólspiltar spiluðu fyrsta heimaleik sumarsins í gær þegar Reykjanesúrvalið mætti á gervigrasið sígræna á Sauðárkróki. Leikurinn var spilaður við fínar aðstæður og var líflegur, þó sérstaklega í fyrri hálfleik en þá baðaði markvörður gestanna sig í sviðsljósinu og hélt markinu hreinu. Stólarnir gerðu það sem þurfti í síðari hálfleik og uppskáru 2-0 sigur.
Fyrri hálfleikur einkenndist af stanslausri sókn Stólanna og á löngum köflum frabæru spili. Hvernig heimamönnum tókst að skora ekki í löngum fyrri hálfleik má undrum sæta því hvert færið rak annað og þar af voru mörg dauðafæri. Ibrahima Jallow var stór í marki gestanna og hann átti stórleik þrátt fyrir að honum væri nánast fyrirmunað að grípa boltann. Hvað eftir annað varði hann dúndurskot, komst í boltann þegar Stólarnir spiluðu sig í gegnum vörn RB og ef hann klikkaði þá fór boltinn í stangirnar eða bara framhjá. Gestirnir voru mikið í því að hægja á leiknum og kannski hafði það einhver áhrif á einbeitingu heimamanna fyrir framan markið.
Stólarnir héldu ekki sama dampi í síðari hálfleik og gestirnir komust meira inn í leikinn, enda höfðu þeir varla farið fram yfir miðju í fyrri hálfleik. Engu að síður voru heimamenn með undirtökin en voru ekki að skapa sér færi líkt og í fyrri hálfleiknum. Fyrsta mark leiksins kom á 62. mínútu en þá gerði Dominic Furness frábært mark úr aukaspyrnu af um 25 metra færi, átti góða spyrnu í fjærhornið sem Jallow hefði nú sennilega átt að verja. Síðasta stundarfjórðunginn varð leikurinn býsna villtur en þá reyndu gestirnir að jafna og tóku áhættu. Þeir áttu 2-3 sénsa en staðan var viðkvæm og rán um hábjartan dag hefði getað raungerst. Sem betur fer kláruðu Stólarnir dæmið á annari mínútu uppbótartíma þegar leikmaður Stóla var straujaður niður í vítateignum eftir skyndisókn. Konni fór á punktinn og kláraði dæmið af öryggi.
Með sigrinum skutu Stólarnir sér upp í þriðja sæti deildarinnar og eiga einn leik til góða. Lið Tindastóls er með ellefu stig að loknum sex leikjum en efst er lið Ýmis með 18 stig og Hamar með 17. Stólarnir hafa gert jafntefli við bæði þessi lið á útivelli og mega ekki hleypa þeim langt fram úr ef þeir ætla að berjast um sæti í 3. deild. Liðið spilaði skemmtilegan bolta í gær en færanýtingin var ekki til útflutnings. En menn eru auðvitað óvanir að spila fyrir framan kröfuharða Króksara...
Fleiri fréttir
-
Bjarni Jónsson segir skilið við VG
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 15.43Í yfirlýsingu á Facebook hefur Bjarni Jónsson, oddviti Vinstri grænna í Norðvesturkjördæmi, lýst því yfir að hann hafi ákveðið að segja sig úr VG og segja skilið við þingflokkinn. „Flestum hefur lengi verið ljóst að flokkurinn hefur sveigt af leið og brugðist grunngildum sínum og væntingum þeirra sem stóðu að stofnun hans. Hann hefur brugðist mörgu því fólki sem hefur stutt hann,“ segir Bjarni í yfirlýsingunni.Meira -
Framboð og eftirspurn – sex vikur til kosninga
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 14.03Nú eru rétt um sex vikur þar til landsmönnum gefst kostur á kjósa til Alþingis á ný í kjölfar þess að Bjarni Benediktsson forsætisráðherra taldi að lengra yrði ekki komist í samstarfi Framsóknarflokks, Sjálfstæðisflokks og Vinstri grænna. Forseti Íslands féllst á lausnarbeiðni hans í vikunni og hefur verið ákveðið að Alþingiskosningar verði 30. nóvember. Flokkarnir eru því komnir á fullt í að setja saman lista og gera sig klára í baráttuna um Ísland.Meira -
Kálfshamarsvík númer eitt á forgangslista Húnabyggðar
feykir.is Austur-Húnavatnssýsla 17.10.2024 kl. 13.56Húnahornið segir frá því að Kálfshamarsvík sé efst á forgangslista sveitarstjórnar Húnabyggðar vegna styrkumsókna í Framkvæmdasjóð ferðamannastaða fyrir árið 2025 en umsóknarfrestur rann út í gær. „Þrístapar eru númer tvö á forgangslistanum á eftir Kálfshamarsvík og þar á eftir er göngubrú yfir ós Blöndu, gamli bærinn á Blönduósi og Klifamýri og að lokum náttúruperlan Hrútey,“ segir í fréttinni.Meira -
Haukarnir hans Matés mæta í Síkið í kvöld
feykir.is Skagafjörður, Íþróttir 17.10.2024 kl. 11.39Körfuboltinn er kominn á fullt og lið Tindastóls farin að gleðja hjörtu stuðningsmanna. Stelpurnar komnar með tvo nokkuð óvænta sigra og strákarnir með sigur á liði ÍR – langþráður sigur eftir alveg heilar tvær umferðir! Í kvöld mæta Hafnfirðingar í liði Hauka í heimsókn í Síkið og nú er bara að fjölmenna og hvetja strákana til sigurs.Meira -
Teitur Björn sækist eftir efsta sæti á lista Sjálfstæðisflokks
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 09.23„Ég býð mig fram til að leiða lista Sjálfstæðiflokksins í Norðvesturkjördæmi. Ákvörðun Bjarna Benediktssonar um að leggja til að þing verði rofið og þar með boðað til alþingiskosninga var hárrétt. Kyrrstaða í málum sem eru jafn mikilvæg framtíð þjóðarinnar og raun ber vitni er óásættanleg,“ segir í tilkynningu frá Teiti Birni Einarssyni, öðrum þingmanni Sjálfstæðisflokks í Norðvesturkjördæmi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.