Tóti túrbó með þrefalda tvennu í leiknum gegn Breiðablik
feykir.is
Skagafjörður, Austur-Húnavatnssýsla, Íþróttir, Vestur-Húnavatnssýsla
03.11.2023
kl. 10.37
Þórir með þrefalda tvennu... vel gert. Mynd Davíð Már
Í gær, fimmtudaginn 2. nóvember, var spiluð 5. umferð í Subway-deild karla og mætti Tindastóll í Smárann að spila við Breiðablik. Fyrir leikinn sátu Stólarnir í 3. sæti í deildinni með þrjá sigar og eitt tap en Blikar í því neðsta með fjögur töp. Tindastólsmenn spiluðu enn og aftur án Péturs Rúnars, Sigtryggs Arnars og Davis Geks en fyrir vikið fengu Orri, Veigar og Hannes stærra hlutverk og skiluðu þeir því vel.
Tindastóll var með yfirhöndina frá byrjun til enda en Blikar gerðu nokkrar athlögur í leiknum sem dugðu skammt. Stólarnir voru tíu stigum yfir eftir fyrsta leikhluta, 16-26. Í leikhlé var staðan 39-47 og því aðeins 8 stiga munur. Stólarnir komu svo mjög ákveðnir til leiks í þriðja leikhluta og náðu 19 stiga forskoti þegar honum lauk. Í fjórða leikhluta héldu Stólarnir sama hætti og lokuðu leiknum með 15 stiga forystu, lokatölur 77-92. Glæsilegur sigur hjá Stólunum sem hefði verið gaman að geta horft á öðruvísi en í micromynd í Skiptiborðinu eða í gegnum stattið á visir.is. Væri ekki tilvalið að það yrði gerð krafa á þau lið sem spila í Subway-deildinni að sýna frá sínum leikjum eins og er gert í Bestu deildinni í fótboltanum.
Þórir Guðmundur Þorbjarnarson var svakalegur í þessum leik og gerði sér lítið fyrir og var með þrefalda tvennu. Hann skoraði 26 stig, tók 11 fráköst og gaf 11 stoðsendingar. Adomas Drungilas var með tvöfalda tvennu, skoraði 20 stig og tók 10 fráköst. Ragnar Ágústson var einnig með tvöfalda tvennu, skorðai 15 stig og var með 10 fráköst. Callum Lawson skoraði 20 stig og var með 5 fráköst. Næsti leikur hjá strákunum er fimmtudaginn 9. nóvember þegar þeir taka á móti Stjörnunni í Síkinu.
Áfram Tindastóll!
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.