Stólarnir komnir í góða stöðu á toppi 4. deildar
Það var stórleikur í 4. deildinni á Króknum í dag þegar lið Tindastóls tók á móti Kópavogspiltum í Ými í raka og þelköldu þokulofti. Liðin hafa skipst á um að tróna á toppi deildarinnar síðustu vikurnar og ljóst að sigur í dag yrði stórt skref fyrir heimamenn í átt að því að tryggja sér keppnisrétt í 3. deild að ári. Það fór svo að stigin þrjú bættust í Stólapottinn eftir 3-1 sigur og áfram heldur frábært gengi Tindastóls í deildinni.
Það voru reyndar gestirnir sem áttu fyrsta höggið þegar Hákon Freyr Jónsson skoraði eftir 18. mínútna leik. Heimamenn voru snöggir að svara fyrir sig en það gerði þjálfari liðsins, Dominic Furness, á 24. mínútu. Jafnt var í hálfleik og þrátt fyrir yfirburði urðu Stólarnir að bíða fram á 79. mínútu eftir markinu mikilvæga. Þá skilaði fyrirliðinn, Sverrir Hrafn, sendingu frá Benna Vilbergs í markið. Það var síðan David Bjelobrk sem skellti kokteilberinu á sigurtertuna með marki á fimmtu mínútu í uppbótartíma.
Stólarnir nú með 34 stig í efsta sæti deildarinnar, Ýmir er með 29 stig og Árborg 28 í þriðja sæti en þau eiga leik inni á Stólana og það reyndar innbyrðisviðureign þannig að annað eða bæði liðin munu tapa stigum þar. Stólarnir eiga eftir að spila þrjá leiki í deildinni en næsti leikur er útileikur, eitthvað sem hefur ekki gerst síðan 4. júlí, en andstæðingurinn er botnlið RB.
Spenntir fyrir næsta leik
Feykir hafði samband við Sverri Hrafn Friðriksson, fyrirliða Stólanna, og spurði hvort úrslitin hefðu verið sanngjörn. „Já, mér fannst þetta sanngjörn úrslit. Við stjórnuðum leiknum frá byrjun til enda og vorum töluvert betri aðilinn. Þeir áttu einhverjar skyndisóknir en mér fannst við eiga vel við það.“
Sæti í 3. deild er í seilingarfjarlægð, hvernig leggjast síðustu leikirnir í deildinni í þig? „Lokaleikirnir leggjast bara mjög vel í mig, við erum á mjög góðri siglingu og er markmiðið að halda því bara áfram. Næsti leikur er RB næsta laugardag og verður það verðugt verkefni.“
Markið þitt í dag, var þetta eitt mikilvægasta markið á ferlinum? „Já, ég er ekki frá því að þetta sé minilvægasta markið mitt á ferlinum, kom á mjög góðum tíma fyrir liðið og ánægjulegt að geta hjálpað til í sóknarleiknum af og til. Draumabolti frá Benna Vilbergs sem ég þurfti bara að stýra á markið. En í heildina litið erum við bara mjög sáttir við þessi þrjú stig í dag og spenntir fyrir næsta leik,“ sagði Sverrir Hrafn.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.