Miklar breytingar hafa átt sér stað á Barnabóli á Skagaströnd
Leikskólinn Barnaból á Skagaströnd hefur verið starfandi frá árinu 1977. Árið 2014 tók Hjallastefnan ehf. yfir rekstur skólans. „Innleiðingin gekk eins og í sögu og tók starfsfólkið, sem og foreldrar og börn, stefnunni og nýjum áherslum í starfinu með opnum örmum og gleði,“ sagði María Ösp Ómarsdóttir í samtali við Feyki. María er meðstýra og daglegur stjórnandi skólans og vinnur hún náið með Þorgerði Önnu Arnardóttur skólastýru, sem sá um að innleiða Hjallastefnuna á Barnabóli.
Nú hefur Barnaból verið Hjallastefnuleikskóli í rúmt ár og miklar breytingar hafa verið gerðar bæði á húsakosti og starfsháttum. „Húsnæði leikskólans var tekið í gegn, málað að innan og leikfangalager fjarlægður. Einnig höfum við tekið niður rólurnar sem voru á útisvæðinu okkar og í staðinn fengum við risavaxinn rekaviðardrumb sem gaman er að klifra í,“ útskýrir María um þær miklu breytingar sem hafa átt sér stað undanfarið ár.
„Umhverfið okkar er einfalt og allir hlutir hafa tilgang í hinu daglega starfi. Sjónmengun er í algeru lágmarki og veitir það kyrrð og ró í umhverfinu sem er börnum mikilvægt, og þá sérstaklega börnum sem glíma við einhverskonar raskanir. Allt er kjarnað og merkt og við nýtum allan okkar efnivið til hins ýtrasta, enginn óþarfi hér,“ útskýrir María og brosir.
„Við nýtum ávallt leikefni eða opinn-efnivið þar sem börnin hafa frjálsar hendur í sköpun og ímyndunaraflið leikur lausum hala. Börn eiga flest talsvert af dóti heima hjá sér og með því að bjóða upp á opinn-efnivið þá bjóðum við upp á aðra leikreynslu en heimilin, enda er hlutverk leikskólans að vera viðbót við heimili barnanna. Svo ef þið komið í heimsókn til okkar á Barnaból þá munuð þið ekki sjá neitt hefðbundið „dót“ heldur fjölnota trékubba, dýr, risavaxna púða og dýnur og allskyns föndurefni,“ segir María og kímir.
Nánari umfjöllun um Barnaból má lesa í Feyki vikunnar.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.