Meistarabragur á meisturum Vals
Lið Íslandsmeistara Vals í knattspyrnu mætti á Sauðárkróksvöll í dag og spilaði við lið Tindastóls í Bestu deildinni. Það væri synd að segja að Stólastúlkur hafi nokkurn tíma stigið dans við lið Vals á jafnréttisgrundvelli en frammistaðan í dag var í raun bísna góð þrátt fyrir 0-3 tap. Lið Vals vann verðskuldað en heimaliðið gaf hvergi eftir og er örugglega ósátt við mörkin sem það fékk á sig, þau virtust flest frekar ódýr.
Það voru gestirnir sem höfðu undirtökin í fyrri hálfleik en lengstum án þess að skapa sér góð færi. Lið Tindastóls varðist skynsamlega og reyndi að halda boltanum og sækja upp kantana en meistararnir voru yfirleitt fljótir að vinna boltann. Ísinn var hins vegar brotinn á 37. mínútu þegar Amanda Andradóttir renndi boltanum í fjær hornið eftir smá klafs inni á vítateignum. Markið sló heimastúlkur út af laginu því annað mark fylgdi í kjölfarið þegar Anna Sif Ásgrímsdóttir skallaði hornspyrnu af fjærstöng óverjandi í markið.
Í síðari hálfleik færðu Stólastúlkur sig upp á skaftið og náðu betra valdi á boltanum og leiknum. Nú voru það Íslandsmeistararnir sem þurftu að verjast, þó ekki væri það nú nauðvörn, og lið Tindastóls uppskar nokkrar hornspyrnur og komst í álitlegar stöður en lið Vals var einbeitt og varði mark sitt af kostgæfni. Rothöggið kom síðan á 71. mínútu þegar lið Vals sótti eldsnöggt að marki Tindastóls og frábær stungusending bjó til mark fyrir Ásdísi Karen Halldórsdóttur sem kláraði færið með glæsibrag. Fátt markvert gerðist eftir þetta en gestirnir nær því að bæta við mörkum en lið Tindastóls að klóra í bakkann.
Það er áhyggjuefni að sjá að þó bekkur Stólanna sé fullskipaður þá var aðeins einn leikmaður með alvöru reynslu þar á meðal, Hugrún Páls, og hún kom inn fyrir Aldísi Maríu í hálfleik. Þrjár af sjö stúlkum sem skipa bekkinn eru í 3. flokki. Næstu tvær stúlkur inn á völlinn voru Elísa Bríet og Birgitta, 15 ára frá Skagaströnd, og það verður ekki tekið af þeim að þær komu fullar sjálfstrausts til leiks og stóðu fyrir sínu. Liðið má þó ekki við neinum áföllum nú á lokakaflanum en ein umferð er eftir í deildarkeppninni og síðan tekur við þriggja umferða úrslitakeppni þar sem ræðst hvaða lið falla.
Frammistaðan var þó uppörvandi og baráttuviljinn og fengu stelpurnar gott klapp frá stuðningsmönnum í leikslok. Liðið fór niður um eitt sæti í dag, situr nú í áttunda sæti með 18 stig þar sem ÍBV gerði jafntefli og er með hagastæðara markahlutfall. Þá vann Keflavík góðan sigur á heillum horfnu liði Þróttara og eru því aðeins einu stigi á eftir liðum ÍBV og Tindastóls fyrir lokaumferðina. Selfoss situr neðst með 11 stig og þarf á kraftaverki að halda til að bjarga sér frá falli.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.