Hvíti riddarinn með undirtökin gegn Stólunum
Tindastóll fékk Hvíta riddarann úr Mosfellsbæ í heimsókn í dag í átta liða úrslitum í úrslitakeppni 4. deildar. Heimamenn voru töluvert öflugri í fyrri hálfleik en engu að síður 1-2 undir í hálfleik. Gestirnir voru grimmari í síðari hálfleik en heimamenn fengu færi til að jafna undir lokin en allt kom fyrir ekki. Lokatölur því 1-2 og ljóst að Tindastólsmenn þurfa að gera betur í Mosó á þriðjudaginn ef þeir ætla sér lengra í úrslitakeppninni.
Lið Tindastóls hóf leik af krafti og gestirnir komust varla fram fyrir miðju fyrstu 10-15 mínúturnar. Stólarnir spiluðu boltanum vel kanta á milli en gestirnir voru skipulagðir í varnarleiknum og gáfu heimamönnum fá færi á sér. Fyrsta markið kom því talsvert gegn gangi leiksins á 31. mínútu þegar Euður Andri Thorarensen slapp inn fyrir vörn Tindastóls eftir ágæta stungu og skoraði af öryggi fram hjá Antoni Helga í markinu. Stólarnir lögðu ekki árar í bátar og uppskáru vítaspyrnu eftir að farið var aftan í Jónas Aron í teignum og Konni skilaði boltanum í markið. Staðan jöfn en gestirnir náðu forystunnu á ný á markamínútunni (43) en þeir náðu þá að refsa Tindastólsmönnum sem áttu kæruleysislega sendingu úr vörn og inn á miðju þar sem boltinn var hirtur af þeim og rennt inn fyrir vörnina þar sem Patrekur Orri Guðjónsson skoraði. Stólarnir hafa verið að fá allt of mörg mörk svipuð þessum á sig að undanförnu og þurfa helst að skrúfa fyrir þennan leka strax.
Staðan því 1-2 í hálfleik og ljóst lið Tindastóls þurfti að mæta gírað til leiks í síðari hálflelik. Það gerðist því miður ekki, þrátt fyrir að trommuleikari bættist í stuðningsmannasveitina á pöllunum, því liðið náði einhvernveginn aldrei takti og ef eitthvað var þá voru gestirnir líklegri að bæta við marki. Anton varði frábærlega einn á móti einum en síðasta stundarfjórðunginn reyndu Stólarnir að klóra í bakkann og hefðu átt að jafna í uppbótartíma en gestirnir björguðu á ögurstundu.
Mosóarnir eru því með sterka stöðu fyrir síðari leik liðanna, sem fer fram nú á þriðjudaginn, en þar getur allt gerst. Liðin voru bæði öflug en það vantaði gæði á síðasta þriðjungnum hjá Stólunum til að gera andstæðingnum erfitt fyrir. Það var slæmt að missa Spánverjann og markamaskínuna Basa í sumar og ljóst að þeir sem komu í staðinn búa ekki yfir sömu gæðum.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.