Hver hlýtur titilinn Íþróttamaður ársins í Skagafirði?
Þann 19. desember nk. mun Ungmennasamband Skagafjarðar (UMSS) og sveitarfélagið Skagafjörður halda sína árlegu hátíðarsamkomu þar sem tilkynnt verður hver hlýtur kosningu íþróttamanns ársins, lið ársins og þjálfara ársins. Á þessari hátíðarsamkomu er öllum þeim sem eru tilnefnir af sínum íþróttafélögum boðaðir og þeim veitt viðurkenningar en einnig fá þeir krakkar sem hafa verið tilnefnd til Hvatningarverðlauna UMSS sínar viðurkenningar.
Í ár eru fjórir íþróttamenn tilnefndir til Íþróttamanns ársins 2024. Það eru þau; Adomas Drungilas körfuknattleiksmaður í UMF Tindastól, Bjarni Jónasson hestamaður í Hestamannafélaginu Skagfirðing, Ísak Óli Traustason, frjálsíþróttamaður í UMF Tindastól og María Dögg Jóhannesdóttir knattspyrnumaður í UMF Tindastól.
Kosningu lýkur í dag 16. desember, en þeir sem kjósa íþróttamenn, lið og þjálfara eru fimm aðilar í stjórn UMSS, þrír fulltrúar frá félags- og tómstundarnefnd Sveitarfélagsins Skagafjarðar, ritstjóri fréttablaðsins Feykis og forstöðumaður frístunda og íþróttamála í Skagafirði.
Kosið er um þrjú efstu sætin, fyrsta (1.) sæti gefur 10 stig, annað sæti (2.) gefur 7 stig og þriðja (3.) sæti gefur 5 stig.
Í ár er einungis eitt lið tilnefnt til lið ársins; meistaraflokkur kvk. í körfuknattleik UMF Tindastóll.
Til þjálfara ársins er val um þrjár tilnefningar; Annika Líf Maríudóttir Noack, UMF Tindastóll júdódeild, Finnbogi Bjarnason, Hestamannafélaginu Skagfirðing og Sigurður Arnar Björnsson, UMF Tindastóll frjálsíþróttadeild.
Öllum aðildarfélögum og deildum innan UMSS er einnig heimilt að tilnefna einn pilt og eina stúlku sem hlýtur Hvatningarverðlaun UMSS. Tilnefningin skal veitt þeim íþróttamanni sem er áhugasamur, með góða ástundun, sýnir góða hegðun innan vallar sem utan, er góður félagi og telst vera góð fyrirmynd annarra unglinga.
Til Hvatningarverðlauna UMSS árið 2024 eru eftirtaldir aðilar tilnefndir frá:
Axel Arnarsson Ungmennafélagið Tindastóll Körfuknattleiksdeild
Brynjar Morgan Brynjarsson Golfklúbbur Skagafjarðar
Caitlynn Morrie Sandoval Mertola Ungmennafélagið Tindastóll Júdódeild
Emma Katrín Helgadóttir Ungmennafélagið Tindastóll Körfuknattleiksdeild
Fjölnir Þeyr Marinósson Ungmenna- og Íþróttafélagið Smári
Freyja Vilhjálmsdóttir Ungmenna- og Íþróttafélagið Smári
Freyr Hugi Herbergsson Ungmennafélagið Tindastóll Júdódeild
Greta Berglind Jakobsdóttir Hestamannafélagið Skagfirðingur
Halldór Stefánsson Ungmennafélagið Tindastóll Frjálsíþróttadeild
Harpa Sif Hreiðarsdóttir Ungmennafélagið Tindastóll Knattspyrnudeild
Júlía Marín Helgadóttir Ungmennafélagið Tindastóll Badmintondeild
Monika Rut Garðarsdóttir Ungmennafélagið Neisti
Súsanna Guðlaug Halldórsdóttir Hestamannafélagið Skagfirðingur og Ungmennafélagið Tindastóll Frjálsíþróttadeild
Telma Ýr Skarphéðinsdóttir Ungmennafélagið Tindastóll Skíðadeild
Valþór Máni Helgason Ungmennafélagið Neisti
Viktor Smári Davíðsson Ungmennafélagið Tindastóll Knattspyrnudeild
Hátíðarsamkoman Íþróttamaður ársins 2024 mun fara fram þann 19.desember nk. í Húsi frítímans kl. 20:00.
Á hátíðarsamkomunni verða einnig veittar viðurkenningar fyrir landsliðsfólk UMSS og styrkir úr Afrekssjóði UMSS, auk þess mun Ungmennafélagið Tindastóll tilkynna Íþróttamann Tindastóls 2024.
Frétt tekin af umss.is
Fleiri fréttir
-
Þakkir á aðventu
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 18.12.2024 kl. 12.25Það var mikil og góð reynsla að fara í gegnum nýafstaðna kosningabaráttu sem oddviti Viðreisnar í Norðvesturkjördæmi. Baráttan var snörp en á sama tíma ótrúlega skemmtileg. Fyrir mig persónulega var brekkan brött þar sem flokkurinn hefur ekki áður náð kjöri í kjördæminu. En ætlunarverkið tókst og ég er afar þakklát fyrir stuðninginn og traustið. Það skiptir miklu máli fyrir Viðreisn að eiga nú þingmenn í öllum kjördæmum. Það mun án efa þroska flokkinn og skilninginn á stöðu hvers landshluta fyrir sig. Skilaboð kjósenda voru skýr – fólkið í landinu er að kalla eftir breytingum. Nú er mikilvægt fyrir nýja ríkisstjórn að svara því kalli með afgerandi hætti.Meira -
Vín frá Spáni á Sauðá í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.12.2024 kl. 12.15Í dag gefst fólki í Skagafirði og nærsveitum tækifæri til að kynnast vínmenningu Spánar, því í kvöld verður boðið uppá vínkynningu á Sauðá kl:17:15 í dag, miðvikudaginn 18.desember. Feykir hafði samband við Sóleyju sem ætlar að leiða fólk í allann sannleik um spænsku vínin og lagði fyrir hana nokkrar spurningar.Meira -
Skagafjörður áætlar jákvæðan rekstur og miklar framkvæmdir
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 17.12.2024 kl. 15.34Fjárhagsáætlun Skagafjarðar fyrir árin 2025 til 2028 var samþykkt af sveitarstjórn 27. nóvember sl., en með henni er mörkuð stefna um fjárheimildir sviða og stofnana sveitarfélagsins til næstu fjögurra ára, ásamt getu sveitarfélagsins til framkvæmda, viðhalds og niðurgreiðslu skulda. Með fjárhagsáætluninni var einnig samþykkt áætlun um nýfjárfestingar og viðhaldsverkefni á árinu 2025, en nýfjárfestingar hafa aldrei í sögu sveitarfélagsins verið áætlaðar meiri en á komandi ári, eða í heild framkvæmdir upp á tæpan einn og hálfan milljarð.Meira -
Lionsklúbburinn Höfði á Hofsósi styrkir nokkur vel valin félög og verkefni í tilefni af 50 ára afmæli klúbbsins
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 17.12.2024 kl. 10.01Sunnudaginn sl., þann 15. desember, bauð Lionsklúbburinn Höfði á Hofsósi í opið hús í Höfðaborg. Tilefnið var að klúbburinn var 50 ára og var boðið upp á vöfflur, kaffi og kakó fyrir gesti og gangandi. Ekki nóg með það þá ákvaðu félagar í klúbbnum að styrka nokkur vel valin félög og verkefni á Hofsósi og í Skagafirði og voru eftirfarandi verkefni valin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.