Erfið lokahelgi frábærs tímabils hjá stelpunum
Norðvesturúrvalið í 3. og 2. flokki (Tindastóll, Hvöt, Kormákur og Fram) spilaði síðustu leiki sína þetta sumarið nú um helgina. Fyrst mættu stelpurnar í 2. flokki sameinuðu liði Þórs/KA/Völsungs 2 í leik þar sem spilað var um sæti í A-deild og höfðu gestirnir betur, 3-5. Í dag spilaði síðan 3. flokkur gegn liði FH/ÍH en sá leikur endaði 0-6 og gestirnir tryggðu sér þar með Íslandsmeistaratitilinn í 3. flokki.
Það vantaði nokkrar sterka pósta í 2. flokkinn í gær og munaði um minna. Það hefur verið mikið álag á stelpunum enda hefur þurft að hreinsa upp þá leiki sem frestuðust fyrr í sumar nú á lokametrunum. Það var þannig ekki nema tveir dagar síðan liðið lék í Hafnarfirði. Þær virkuðu því nokkuð þungar fyrstu mínútur leiksins. Það var hin 13 ára Bríet Fjóla sem gerði tvö eins mörk með mínútu millibili, á 8. og 9. mínútu, og kom gestunum í góða stöðu. Í bæði skiptin kom hún sér í þægilega stöðu og skaut hátt á markið og Margrét átti engan séns í markinu. Eyvör Páls minnkaði muninn á 23. mínútu en mínútu síðar var Bríet búin að kvitta fyrir gestina. Tanía Sól gerði fjórða mark þeirra á 38. mínútu. Staðan því erfið í hálfleik en flest komu mörkin eftir hik í varnarleiknum þar sem gestirnir fengu of mikinn tíma með boltann.
Það opnaðist líflína fyrir heimastúlkur þegar Saga Ísey slapp í gegn og var tekin niður af markmanni gestanna sem fékk að líta rauða spjaldið fyrir vikið. Þrátt fyrir linnulitla sókna Norðvesturúrvalsins gekk illa að skora og það voru gestirnir sem gerðu fimmta mark sitt á 70. mínútu. Saga Ísey minnkaði muninn tveimur mínútum síðar eftir góðan undirbúning Birgittu og í uppbótartíma nældi Eyvör í víti sem Elísa skoraði úr. Lokatölur 3-5 og stelpurnar okkar því áfram í B-deild í 2. flokki kvenna en þær hafa verið stórskemmtilegar í sumar en náðu því miður ekki toppleik í gær.
Þriðji flokkur kvenna lauk tímabilinu í A-riðli en spilaðar voru þrjár lotur í sumar. A-riðillinn reyndist fullstór biti fyrir Norðvesturúrvalið sem tapaði öllum sjö leikjum sínum nú seinni part sumars. Þær lentu ansi oft í því að lenda nokkrum mörkum undir snemma leiks en gáfust ekki upp og gerðu hvað þær gátu til að vinna sig inn í leikina á ný. Þetta átti til dæmis við um útileiki gegn Þrótti (9-4), Þór/KA (6-3) og Stjörnuna/Álftanes (6-3). Átta lið voru í riðlinum og það var sem fyrr segir lið FH/ÍH, sem endaði í efsta sæti með 18 stig, sem vann 0-6 á Króknum í dag.
Engu að síður frábært sumar hjá stelpunum.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.