Fyrsta skóflustungan tekin að nýjum leikskóla í Varmahlíð
Það var gleðidagur í Varmahlíð í dag þegar börnin á leikskólanum Birkilundi tóku fyrstu skóflustunguna að nýjum 550 fermetra leikskóla sem á að rísa við hlið Varmahlíðarskóla og rúma 65 börn. Einar E. Einarsson formaður byggðarráðs fór yfir sögu leikskólans í Varmahlíð áður en Kristófer Már Maronsson formaður fræðslunefndar tók svo til máls og óskaði tilvonandi nemendum, starfsfólki, foreldrum og íbúum innilega til hamingju með áfangann. Það var svo hann Ísak Frosti Holzem sem tók allra fyrstu skóflustunguna áður en restin af börnunum fékk að moka.
Einar E. Einarsson fór stiklaði í grófum dráttum yfir sögu leikskólans í Varmahlíð sem er um margt merkileg og hefst fyrir tilstuðlan foreldra 4.júlí 1982 þegar undirbúningshópur kom saman og stofnaði Foreldrafélag Seyluhrepps, sem síðan leiddi verkefnið um stofnun leikskóla áfram.
Í upphafi lagði Varmahlíðarskóli til húsnæði undir starfsemina, húsið Hvannahlíð sem var áður notað sem kennarabústaður. Leikskólinn tók til starfa 27. september 1982. Í upphafi var leikskólinn rekinn af fyrrgreindu Foreldrafélagi en Seyluhreppur greiddi 40% af rekstrarkostnaði leikskólans í samræmi við þáverandi lög.
Þetta rekstrarfyrirkomulag var viðhaft allt til ársins 1993 en þá var ákveðið að Seyluhreppur tæki við rekstrinum í samstarfi við Akra - og Lýtingsstaðahrepp.
Það átti eftir að koma á daginn að nýi leikskólinn í Varmahlíð var ekki eingöngu fyrir börnin í hverfinu eins og talið var í fyrstu að hann væri því ekki leið á löngu þangað til börnin í dreifbýlinu fóru einnig að sækja skólann og í dag er það þannig að hvert einasta barn bæði úr þéttbýlinu og dreifbýlinu sækir skólann og staðreyndin er sú að nútíma samfélag gæti ekki án þessarar þjónustu verið.
Eftir sameiningu sveitarfélaganna árið 1998 varð síðan rekstur leikskólans á forræði Sveitarfélagsins Skagafjarðar og Akrahrepps, sem átti 25% hlut í skólanum. Strax eftir sameiningu sveitarfélaganna var svo ákveðið að byggja nýjan leikskóla sem myndi rúma 25 börn og var Birkilundur vígður 29. janúar 1999. Árið 2015 var tekið á leigu húsnæði sem áður hýsti pósthús annarsvegar og banka hinsvegar og Reyniland varð til og eru nú 44 börn í Birkilundi.
Stefnt að opnun haustið 2025
Áætlað er að nýi leikskólinn sem verið er að hefjast handa við að byggja verið fullbúinn og tilbúin til notkunar haustið 2025. Fyrsti áfangi er snýr að ytrabyrði og að reisa húsið er í höndum Uppsteypu ehf en stefnt er á að bjóða út frágang innandyra á haustmánuðum.
Nýi leikskólinn verður staðsettur við hlið Varmahlíðarskóla og miðast öll hönnun byggingarinnar við að skólann verði hægt að stækka í komandi framtíð, en einnig mun tenging hans við húsnæði Varmahlíðarskóla bjóða upp á margvíslega samvinnu þessara tveggja skólastiga á komandi árum.
Það er gaman að bæta því við að rétt áður en fyrsta skóflustungan var tekin af nýja leikskólanum mátti sjá þegar keyrt var með nýtt íbúðarhús sem verið hefur í byggingu inn Birkimelinn í Varmahlíð, sem er að mörgu leiti tákrænt fyrir alla þá miklu fjölgun fólks sem hefur verið á svæðinu undanfarin ár og vonandi um ókomin ár.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.