Guðbjartur er góð fyrirmynd
Ágæti lesandi! Máltækið segir að maður komi í manns stað. Það getur oft verið gott, en líka verið til mikils tjóns. Þar skiptir öllu hvert mannvalið er. Allar horfur eru á að í komandi kosningum verði miklar sviptingar og margir nýir þingmenn taki sæti á Alþingi. Öll viljum við góða fulltrúa á þingi, en vissulega hafa þingmenn unnið sér inn mismikla virðingu landsmanna með framferði sínu.
Vinnusemi og heiðarleiki
Kjósendur hér í Norðvesturkjördæmi eiga margra kosta völ, en ég held að á engan sé hallað þó ég nefni Guðbjart Hannesson fremstan þingmanna sem er bæði ötull og vinnusamur með afbrigðum. Hann gengur að hverju verkefni af áhuga og yfirvegun, kynnir sér vel málavexti og er tilbúinn til að hlusta á og taka tillit til ólíkra sjónarmiða. Slíkir mannkostir eru afar mikilvægir í átökum stjórnmálanna, þar sem oft verða upphlaup af litlu tilefni. Þá er gott að búa yfir reynslu, viti og þroska til að greina aðalatriðin frá upphrópunum og áróðri.
Traust og réttlætiskennd
Ég hef átt því láni að fagna að vinna með Guðbjarti, bæði sem skólamaður og einnig í sveitarstjórn. Það var mér mikilvæg reynsla sem ég hef búið að í mínum störfum.
Allir sem þekkja Guðbjart vita að hann er traustur og góður maður, hrapar ekki að ályktunum eða niðurstöðum, en íhugar málavexti. Hann sækist ekki eftir innihaldslausum átökum, en er manna fúsastur til að rökræða málin til niðurstöðu, en er þó fastur fyrir. Hann er ekki fyrir skyndilausnir, en leggur sig fram um að koma málum heilum í höfn. Sterkasti þátturinn í skapgerð hans er þó réttlætiskenndin. Óréttlæti þolir hann ekki og sættir sig aldrei við.
Sendum rétt skilaboð
Kjósendur vilja væntanlega nýta kosningarétt sinn til að auka virðingu Alþingis sem mest. Þeir hljóta því að standa þétt að baki þeim frambjóðanda sem ávallt hefur sýnt í störfum sínum ábyrgð, traust og heiðarleika. Allir sem kjósa Samfylkinguna í Norðvesturkjördæmi með Guðbjart Hannesson þar í forystu senda ótvíræð og sterk skilaboð inn á Alþingi um að þeir kunni að meta þessa mannkosti hans og að það geti orðið öðrum til eftirbreytni.
Sveinn Kristinsson
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.