Tónleikar Jólahúna að bresta á
Sunnudaginn 17. desember verða tónleikar Jólahúna í Félagsheimilinu á Blönduósi og annar hópu Jólahúna heldur tónleika í Félagsheimilinu á Hvammstanga þriðjudaginn 19. desember. Einkunnarorð tónleikanna voru og eru kærleikur og samstaða.
Jólahúnar urðu til fyrir nokkrum árum og er hugmynd Skúla Einarssonar heitins á Tannstaðabakka sem lést eftir hetjulega baráttu við krabbamein í nóvember 2021. Tónleikarnir eru góðgerðartónleikar og rennur allur ágóði óskiptur til Krabbameinsfélags Austur Húnavatnssýslu. Miðaverðið er 3000. Forsala aðgöngumiða verður fimmtudaginn 14. desember í Félagsheimilinu á Blönduósi frá kl: 16:00-18:00 svo verður hægt að kaupa miða þegar húsið opnar 17:30, tónleikadaginn og tónleikarnir hefjast klukkan 18:00.
„Æfingar hafa gengið vel, ég lofa góðri stemmingu og vonandi sjáum við sem flesta,“ segir Árný Björk Brynjólfsdóttir skipuleggjandi Jólahúna á Blönduósi þetta árið. Árný er einnig ein af þeim sem fram koma og ljá rödd sína á tónleikunum meðal annarra.
Aðrir Jólahúnar en þeir sem fram koma á Blönduósi halda tónleika í Félagsheimilinu á Hvammstanga þriðjudaginn 19.desember, þar opnar húsið kl:19:00 og tónleikar hefjast 20:30. Allur ágóði af þeim tónleikunum renna í Velferðarsjóð Húnaþings vestra. Svo það er ljóst að Jólahúnar syngja inn jólin í austur og vestur Húnavatssýslunum þetta árið. /gg
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.