Nauðsynlegt að Virkja Bessastaði | Ástþór Magnússon
Laugardaginn 1. júní stingum við Íslendingar okkur inn í kjörklefa og setjum x við þann frambjóðanda sem við viljum sjá sem forseta þjóðarinnar næstu fjögur árin. Aldrei áður í sögu lýðveldisins hafa jafn margir einstaklingar skreytt kjörseðilinn eða hvorki fleiri né færri en tólf. Feykir lagði nokkrar spurningar fyrir forsetaefnin og gáfu þau sér öll tíma til að svara. Hér að neðan má lesa svörin sem Ástþór Magnússon gaf Feyki.
Hvers vegna á fólk að kjósa þig? - Ef fólk kýs ekki mig þá er það að kasta atkvæði sínu á ófriðarbálið. Engu máli skiptir hvern af hinum ellefu fólk kýs. Þeir frambjóðendur eru allir tilbúnir að standa með kjósendum í stríði, en ég er ekki tilbúinn í það. Ég vil sem forseti vinna til friðar og mitt fyrsta verkefni verður að leita friðarsamninga við Rússa sem hafa að undanförnu skilgreint Íslendinga sem óvinaþjóð og hernaðarsérfræðingar telja að séu að skipuleggja árás á norðurslóðir jafnvel með kjarnorkuvopnum.
Af hverju langar þig að verða forseti Íslands? - Mig langar ekki til þess en tel nauðsynlegt að Virkja Bessastaði til friðar og lýðræðisþróunar. Þjóðin þarf forseta sem sameinar hug-sjón, heiðarleika, þolinmæði og þrautseigju. Með því að halda ótrauður áfram eftir 28 ár, hef ég sýnt og sannað að ég hef til að bera þann styrk sem forsetinn þarf til að krefja stjórnvöld um breytingar frá hernaði til friðarstefnu, leiða mál til lykta og halda í skefjum þeim öflum sem vilja ráðskast með vald þings, stjórnsýslu eða fjölmiðla í sérhagsmunagæslu á kostnað þjóðarinnar.
Hvað hefur komið þér mest á óvart í baráttunni um Bessastaði? - Að horfa upp á það í 28 ár hvernig lýðræðið er fótum troðið í aðdraganda forsetakosninga. Fjölmiðlar sem gagnrýna kosningar í öðrum löndum starfa síðan með álíka hætti til að hafa áhrif á kosningar. Ef eitthvað er þá sýnist mér þetta ástand versna með árunum.
Hver hefur verið stærsta áskorunin í þínu lífi? - Að stíga fram með friðarboðskapinn og fara á móti straumnum í 28 ár. Hafði aldrei tekið þátt í stjórnmálum, var lítið fyrir að koma fram í fjölmiðlum þegar ég fékk þrjár sýnir sem ég lýsi í bókinni Virkjum Bessastaðisem olli straumhvörfum í mínu lífi og varð til þess að ég yfirgaf blómlegt fyrirtæki, stofnaði friðarsamtök og kynnti hugmyndafræðina Virkjum Bessastaði fyrir þjóðinni.
Hvað ætlaðir þú að verða þegar þú yrðir stór? - Ég tók mér það fyrir hendur sem áhugasviðið var, ljósmyndun og myndlist.
Hvar og hvenær sástu maka þinn fyrst? - Á styrktartónleikum fyrir Mæðrastyrksnefnd.
- Nei, það verður enginn tími í slíkt, forsetinn þarf strax að ganga í að koma á friðarsamningnum, ég ætla ekki að eyða peningum þjóðarinnar í einhver aukaatriði eða samkeppni við Íslenska bændur á Bessastöðum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.