Mun sjá til þess að þjóðin ráði örlögum auðlinda sinna | Steinunn Ólína
Laugardaginn 1. júní stingum við Íslendingar okkur inn í kjörklefa og setjum x við þann frambjóðanda sem við viljum sjá sem forseta þjóðarinnar næstu fjögur árin. Aldrei áður í sögu lýðveldisins hafa jafn margir einstaklingar skreytt kjörseðilinn eða hvorki fleiri né færri en tólf. Feykir lagði nokkrar spurningar fyrir forsetaefnin og gáfu þau sér öll tíma til að svara. Hér að neðan má lesa svörin sem Steinunn Ólína Þorsteinsdóttir gaf Feyki.
Hvers vegna á fólk að kjósa þig? - Ég hef ein frambjóenda gefið það kosningaloforð að þjóðin fái að ráða örlögum auðlinda sinna með þjóðaratkvæðagreiðslu. Ég kem ekki úr stjórnmála- eða embættismannastétt og hef engra viðskiptahagsmuna að gæta. Ég er því ekki höfundur og ábyrgðarmaður stjórnarfrumvarpa þeirra sem varða framtíð og eignarhald auðlinda okkar sem nú koma til afgreiðslu þingsins og þess vegna er hægt að treysta því að ég taki ætíð afstöðu með landsmönnum en ekki stjórnvöldum í þeim efnum.
Af hverju langar þig að verða forseti Íslands? - Vegna þess að ég af ástríðu vil tryggja Íslendingum yfirráð yfir auðlindum sínum og framtíð. Ég lít svo á að það sé á okkar ábyrgð að þakka þeim sem á undan gengu og börðust fyrir sjálfstæði þjóðarinnar. Það gerum við með því að verjast ágangi þeirra sem eiga og ráða og vilja fyrir skyndigróða selja undan okkur landið, svo okkur megi auðnast að skila landinu áfram til komandi kynslóða. Þetta þurfum við að tryggja með stjórnarskrárbreytingum.
Hvað hefur komið þér mest á óvart í baráttunni um Bessastaði? - Að fyrrum forsætisráðherra sem ber pólitíska ábyrgð á stjórnarfrumvörpum sem eiga eftir að koma til afgreiðslu þingsins skuli halda að það sé trúverðugt að hún muni synja þeim staðfestingar í embætti forseta. Að mínu mati getur hún ekki vikist undan að hafa ætlað að framselja um ókomna tíð íslenskar náttúruauðlindir til útlendinga en það kveða frumvörpin á um, eins og hún kom þeim til þingsins.
Hver hefur verið stærsta áskorunin í þínu lífi? - Að missa maka minn, Stefán Karl Stefánsson, langt fyrir aldur fram.
Hvar og hvenær sástu maka þinn fyrst? - Ég kynntist Stefáni Karli heitnum í Þjóðleikhúsinu þar sem við vorum bæði við störf.
Hvað ætlaðir þú að verða þegar þú yrðir stór? - Ég ætlaði að verða bóndi enda var ég öll sumur í sveit hjá föðurfjölskyldu minni.
Bessastaðir eru ágæt búskaparjörð, til dæmis er þar ágæt fjörubeit fyrir sauðfé meira og minna allan veturinn. Hefur þú í hyggju að stunda búskap á Bessastöðum ef þú verður forseti? - Ef tími gæfist til slíks hefði ég gaman af því að rækta kartöflur og aðrar matjurtir.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.