Einlæg ljósmyndasýning á Húnavöku
Ég er þeirrar skoðunar að list, þegar hún er persónuleg, sé meira grípandi og sýni tegund hugrekkis sem fáir kanna. Að segja nána sögu í gegnum listir krefst hugrekkis því ást okkar, minningar, vonir og draumar ættu ekki að vera til umræðu eða skoðunar. Að sýna ást okkar út á við er ákveðin traustsyfirlýsing.
Listakonan Sigríður B. Hermannsdóttir setti nýlega upp ljósmyndasýningu á Blönduósi á Húnavökuhátíðinni. Lítil sýning í úr sér genginni hlöðu, var óður til afa hennar og ömmu sem bjuggu lengi á svæðinu. Það er ljóst að sýningin er ástarbréf til fjölskyldu hennar. Ljósmyndir og smámunir héngu á veggjum og lágu í glerlausum gluggaopum, minningar og fortíðarþrá til sýnis. Gamla húsið sjálft spilaði stórt hlutverk í sögunni eins og það minnti okkur á liðna tíð.
Þetta er frábær áminning um að list þarf ekki að vera tilgerðarleg eða framleidd til að vera merkingarbær fyrir fjöldann. Við elskum öll góða sögu og fjölskylduást er eitthvað sem við getum öll tengt við á einn eða annan hátt. Ég met það mikils að þessi listakona skuli treysta okkur og hlakka til að sjá fleiri myndir frá henni í framtíðinni!
Sigríður B. Hermannsdóttir er nemi í myndlist við Ljósmyndaskólann í Reykjavík. Hún leggur að jafnaði áherslu á að fanga mannlífið svart á hvítu. Hægt er að finna hana á Instagram ef þú hefur áhuga á að sjá meira!
Morgan Bresko skrifar
Fleiri fréttir
-
Allir geta verið stoltir af liði Tindastóls, segir Donni
feykir.is Skagafjörður, Íþróttir 07.09.2024 kl. 23.57Feykir spurði Donna, þjálfari Stólastúlkna, hvort hann væri stoltur af liðinu sínu eftir mikilvægan sigur á Fylki. „Ég er í skýjunum með frammistöðuna í dag þegar allt var undir. Stelpurnar stóðust pressuna alveg eins og ég vissi að þær gætu gert. Þær gerðu það sama í fyrra og í raun hefðu mörkin í dag getað verið jafn mörg og þá,“ sagði hann og vísaði í 7-3 sigur á ÍBV í fyrra við svipaðar kringumstæður.Meira -
Stólastúlkur áfram á meðal þeirra Bestu!
feykir.is Skagafjörður, Íþróttir 07.09.2024 kl. 22.05Mikilvægasti leikur sumarsins var spilaður í dag á Sauðárkróksvelli þar sem Tindastóll og Fylkir mættust í nokkurs konar úrslitaleik um sæti í Bestu deild kvenna. Með sigri Fylkis hefðu þær jafnað Stólastúlkur að stigum og átt botnlið Keflavíkur í síðustu umferðinni í úrslitakeppni neðri liða á meðan lið Tindastóls hefði sótt Stjörnuliðið heim. Frá fyrstu mínútu réðu hins vegar heimastúlkur ferðinni, spiluðu í raun hinn fullkomna leik og unnu lið gestanna 3-0 – og tryggðu þar með sætið í Bestu deildinni. Til hamingju Stólastúlkur!Meira -
Fjölmennt í Síkinu þegar Stólarnir lögðu Þórsara
feykir.is Skagafjörður, Íþróttir 07.09.2024 kl. 19.28Fyrsti æfingaleikur karlaliðs Tindastóls í körfubolta fór fram í gærkvöldi en það voru Þórsarar sem þræddu þjóðveginn úr Þorlákshöfn alla leið í Síkið eina og sanna. Ekki er nema um vika síðan allir leikmenn Stólanna komu fyrst saman til æfinga en samkvæmt Körfunni.is þá leiddu heimamenn frá fimmtu mínútu og allt til leiksloka. Lokatölur 95-83.Meira -
„Að skrifa ljóð, texta og rapp er eins og sálfræðimeðferð fyrir sjálfan mig“ / INGI SIGÞÓR
feykir.is Skagafjörður, Tón-Lystin 07.09.2024 kl. 11.31Þá er það Ingi Sigþór Gunnarsson sem teikar Tón-lystar-vagninn að þessu sinni. Það er reyndar bannað að teika og því ekki til eftirbreytni. Ingi Sigþór býr í Fellstúninu á Króknum, er árgangur 2000 sem er auðvitað mjög þægilegt ef menn þurfa að gefa upp aldur – svo lengi sem menn vita hvað ár er. „Ég er alfarið alinn upp á Króknum og er sonur Elvu Bjarkar Guðmundsdóttur og Gunnars Braga Sveinssonar,“ segir Ingi. „Ég kann eitthvað smá á gítar en annars treysti ég mest á röddina sem og kunn-áttu mína á hljóðvinnsluforrit.“Meira -
Tóku fyrri sláttinn með 3ja daga áhlaupi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.09.2024 kl. 09.00Rúnar Aðalbjörn Pétursson, býr í Hólabæ í Langadal ásamt Auði Ingimundardóttur sambýliskonu og börnunum þeirra Pétri Inga og Lilju Björgu. Rúnar er starfandi bóndi með búfræðimenntun og sveinspróf í húsasmíði. Þau búa á blönduðu búi með tæplega 40 mjólkandi kýr og 400 vetrarfóðraðar kindur. Ásamt því vinnur Auður sem ráðunautur hjá Ráðgjafamiðstöð landbúnaðarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.