Feykir.is - Ferskur á netinu

Matgæðingur vikunnar í tbl. 26 var Ólafur Már Sigurbjartsson en það var Patrekur Óli frá Hvammstanga sem skoraði á hann. Ólafur er fæddur og uppalinn á Hvammstanga, fæddur á því herransári 2001 og vinnur í búvöruversluninni hjá Kaupfélagi Vestur Húnvetninga. Hann er einnig sjálfboðaliði fyrir Björgunarsveitina Húnar á svæðinu og er einn af þeim eldhugum sem hefur verið í skipulagsnefnd fyrir bæjarhátíðina Eldur í Húnaþingi sem var haldin 20. – 26. júlí sl. 

Í tilkynningu sem stjórn körfuknattleiksdeildar Tindastóls sendi frá sér í gærkvöldi kemur fram að ákveðið hefur verið að gera breytingar á þjálfarateymi kvennaliðs félagsins. Hlynur Freyr Einarsson, sem hefur verið í hlutverki aðstoðarþjálfara, mun taka við sem aðalþjálfari liðsins en Israel Martin kveður.

Vakin er athygli á stofnfundi samtakanna Björgum Kristnesspítala, sem haldinn verður sunnudaginn 1. nóvember kl. 17 á Hælinu, setri um sögu berklanna á Kristnesi. Tilefni stofnunar samtakanna er fyrirhuguð lok endurhæfingar á Kristnesi og vaxandi áhyggjur af framtíð þessarar mikilvægu heilbrigðisþjónustu.

Feykir heyrði hljóðið í Arnari Guðjóns þjálfara Tindastóls í körfunni og ekki annað að heyra en það væri enn nokkuð þungt í okkar manni eftir tapleikinn gegn Álftanesi. Aðspurður hvort hann væri búinn að horfa á leikinn aftur sagðist hann ekki búinn að horfa á hann allan en sagðist svekktur með úrslitin. „Mér fannst við spila vel á köflum en ekki nægjanlega vel og sóknarleikurinn var ekki nógu góður.“

Langar þig að búa til eignn tröllabrúðu? Næstkomandi mánudag verður Tröllabrúðusmiðja á Héraðsbókasafninu á Sauðárkróki en það er brúðulistakonan brjáðsnalla, Greta Clough frá Handbendi á Hvammstanga, sem stýrir smiðjunni sem er partur af dagskrá barnamenningarhátíðarinnar Skúnaskralls. Þegar hafa Trollabrúðusmiðjur verið haldnar á Hvammstanga og Skagaströnd.

Samtök sveitarfélaga á Norðurlandi vestra (SSNV) og Orkusamfélag Steingerðar auglýsa eftir öflugum verkefnastjóra í fjölbreytt og spennandi starf. Um er að ræða 100% starf sem skiptist til helminga milli byggðaþróunarverkefna SSNV og Evrópuverkefnisins DEPLOY-PED, sem Orkusamfélag Steingerðar tekur þátt í.

Liðin sem að flestum eru talin sterkust í Bónus deild karla í körfunni mættust í Síkinu í gær og leikurinn stóð heldur betur undir væntingum, bæði lið sýndu góðan leik og leikurinn æsispennandi fram á síðustu framlengdu sekúndu. Því miður fyrir okkur stuðningsmenn Stólanna var það lið Álftaness sem hafði betur en lokatölur voru 105-108 að lokinni framlengingu.

Það eru margir – bæði ungir og aldnir – farnir að láta sig hlakka til Hrekkjavökunnar sem er einmitt núna á laugardaginn. Hrekkjavakan er árlegur viðburður sem ávallt ber upp þann 31. október. Vakan á rætur að rekja til fornrar keltneskar hátíðar sem kallaðist Samhain en nú seinni árin tengjum við þennan dag kannski frekar við bandarískar hrollvekjur og eitt og annað tengt þeim. Ekki er langt síðan að Íslendingar vöktu upp Hrekkjavökuna og Feykir afréð að spyrja Hrafnhildi Viðars út í málið en hún er ein af þeim sem störtuðu Grikk og gott á Króknum. Við hefjum leik á að spyrja hvað standi til...

Héraðsdómur Norðurlands vestra hefur dæmt ungan mann í fimm mánaða skilorðsbundið fangelsi fyrir glæfraakstur á Siglufjarðarvegi í Skagafirði. Í frétt á mbl.is segir að maðurinn hafi ekið á allt að 193 kílómetra hraða á klukkustund áður en hann missti stjórn á bifreiðinni og hún valt út af veginum. Farþegi hlaut alvarlegan heilaskaða í slysinu.

Í gær kom tilkynning frá knattspyrnudeild Tindastóls þar sem tilkynnt var að Halldór Jón Sigurðsson, betur þekktur sem Donni, hefur verið ráðinn aðalþjálfari hjá meistarflokki kvenna og hefur undirritað þriggja ára samning við félagið. Donni þekkir að sjálfsögðu fótboltann á Króknum út og inn en hann hefur áður starfað hjá Tindastóli, þar sem hann var aðalþjálfari meistaraflokks kvenna árin 2022–2025 auk þess að hafa þjálfað karlaliðið, ýmist sem aðal- eða aðstoðarþjálfari.