Samvinna er lykillinn að góðri útkomu
Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni.
Þegar myndir af æfingunni eru skoðaðar mætti halda að viðbragðsaðilar hafi verið að spila risa Matador. Feyki þótti þvi upplagt að spyrja Ásdísi Ýr Arnardóttur, sérfræðing hjá Lögreglunni á Norðurlandi vestra, hvaða gagn borðæfingar gera. „Í rauninni er borðæfing eins og spil eða þraut af ímynduðum aðstæðum sem þarf að leysa úr,“ útskýrði Ásdís Ýr. „Að borðæfingunni koma allir viðbragðsaðilar sem fá boð um að koma á vettvang ásamt vettvangsstjórn. Þar með talin sjúkraflutningar, björgunarsveit, lögregla, slökkvilið og Rauði krossinn. Á æfingunni er sett upp slys, notast er við leikmuni til að sýna raunverulegar bjargir á vettvangi og leyst er úr verkefnum á vettvangi sem er í raun á borði. Hver og einn lærir þar sitt hlutverk í samvinnunni og vettvangnum er stýrt af vettvangsstjóra sem er í nánu samtali við vettvangsstjórn.“
Gagnleg og skemmtileg æfing
„Ég var til að mynda á æfingunni sem sjálfboðaliði RKI [Rauða krossins] í sálrænum stuðningi og þurfti að passa að mitt fólk væri á sínum stöðum, þá söfunarsvæði slasaðra og söfunarsvæði aðstandenda. Á mínu borði var Snorri Geir varðstjóri sem sinnti starfi gæslustjóra sem m.a. tryggði lokanir á vettvangi og talningu inn og út af söfnunarsvæðum,“ segir Ásdís Ýr.
Eru svona æfingar skemmtilegar og koma að gagni? „Mjög gagnlegar og skemmtilegar, bæði þannig að við lærum að tala sama á vettvangi og virða hlutverk hvers og eins líka, þá kynnast viðbragðsaðilar innbyrðis án álagsins sem fylgir raunverulegum vettvangi.“
Þá má geta þess að viðbragðsaðilar nutu liðsinnis Almannavarnadeildar ríkislögreglustjóra. Já og fengu kaffi og kökur frá Apótekarastofunni handan götunnar. Sjá má fínar myndir frá hittingnum á síðu Lögreglunnar á Norðurlandi vestra >
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.