Græna tröllið Shrek á svið Bifrastar í kvöld
Í kvöld frumsýnir 10. bekkur Árskóla á Sauðárkróki leikritið Shrek sem fjallar um samnefnt tröll sem þekkt er úr heimi teiknimyndanna. Leikstjóri er Sigurlaug Vordís Eysteinsdóttir og henni til halds og trausts er Eysteinn Ívar Guðbrandsson en þau mæðgin eru einnig handritshöfundar.
„Við settumst niður og skrifuðum handrit upp úr fyrstu tveimur myndunum og leikhópurinn hefur einnig komið að því að búa til mikið af skemmtilegum hlutum sem komu á æfingum. Þannig að það má segja að við tvö og leikhópurinn séum höfundar verksins,“ segir Silla af mikilli hógværð.
Fjöldi persóna koma við sögu og segja þau Silla og Eysteinn að næstum allir í hópnum stígi á svið en allir koma að uppsetningunni með einhverjum hætti. „Það eru nokkrir leikarar sem leika fleiri en eina persónu en þær eru yfir 20 í heildina.“
Silla vill vekja athygli á því að starfsfólk Árskóla komi mikið að öllum sýningum sem skólinn setur upp og má þar m.a. nefna smiði, búningahönnuði, sminkur og propsara. „Þetta er svo hæfileikaríkt starfsfólk sem Árskóli á og svo er bara það að börnin sem alast upp við það að fá að koma fram frá því í fyrsta bekk þá er leikhúsuppeldi og listir kannski að fá meira vægi hér en í mörgum öðrum skólum,“ segir Silla sem kennir leiklist á unglingastigi og tónlist hjá yngsta stigi Árskóla.
En um hvað fjallar leikritið?
„Þetta fjallar um tröllið Shrek sem fær óvænta heimsókn ævintýrapersónu og fær beiðni um að bjarga Fíónu prinsessu frá dreka,“ segir Eysteinn og bætir við leyndardómsfullur: „Svo má náttúrulega ekki segja meir, þú verður bara að mæta!“
Generalsýning fór fram í morgun og forsýning verður klukkan fimm í dag áður en hin eiginlega frumsýning hefst klukkan átta í kvöld. Þau mæðgin segja sýninguna vera fyrir alla fjölskylduna, unga sem aldna og mikið af fullorðinshúmor. „Þetta er mjög húmorískt leikrit, fjölbreytt og skemmtilegt allan tímann. Það eru ekki löng atriði þannig að það á að vera auðvelt að vera með yngri börn á sýningunni sem er rúmur klukkutími með hléi,“ segir Silla.
Eysteinn vinnur í Húsi frítímans en hann aðstoðar móður sína af miklum áhuga enda alinn upp í leikhúsinu. „Það má eiginlega segja að móðir mín hafi platað mig með sér í þetta verkefni. Ég náttúrulega stökk á það enda mikill leiklistarunnandi og áhugamaður og svo finnst mér bara gaman að vinna með mömmu!“
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.